УИХ-ын гишүүн Л.Энх-Амгалан уучлалт гуйж, торгуулиа төллөө

“Үлгэр дууриалал үзүүлэх ёстой эрхмүүд нь өөрсдөө хуулиа зөрчив” хэмээн УИХ-ын гишүүн Д.Хаянхярваа, Ц.Дашдорж, Ч.Хүрэлбаатар, Л.Энх-Амгалан нарын дөрвөн эрхмийг гарцгүй газраар зам хөндлөн гарч дүрэм зөрчиж буйг бид өчигдөр мэдээлсэн билээ. Дээрх дөрвөн гишүүн уржигдар өглөө буюу энэ сарын 7-нд энэ үйлдлийг үзүүлсэн бөгөөд есдүгээр сарын 1-нээс гарцгүй газраар зам хөндлөн гарахыг хориглож, гарсан тохиолдолд 19200 төгрөгөөр торгох хууль хэрэгжиж эхэлсэн. Ийм хууль баталж, басхүү торгоод эхэлсэн Замын хөдөлгөөний аюулгүй байдлын тухай шинэ хуулийг баталсан их хурлын гишүүд нь өөрсдөө хуулиа зөрчсөн нь цахим ертөнцөд ихээхэн шүүмжлэл дагуулсан. Тэгвэл өчигдөр орой дээрх дөрвөн гишүүний нэг Л.Энх-Амгалан гаргасан үйлдэлдээ ард түмнээс уучлалт гуйж, торгуулиа өөрийн биеэр очиж төлөн дахиж ийм явдал гаргахгүй, гарцаар гарч байна гэж арл түмэндээ амлав.