Төрд 40-60 мянган орон тооны илүүдэл байна

УИХ-ын Төрийн байгуулалтын байнгын хороогоор төсвийн асуудал хэлэлцэх үеэр гишүүн  Ц.Нямдорж, Ө.Энхтүвшин нар төрийн албан хаагчдын цалинг бууруулах тухайд санал нийлэхгүй байгаагаа хэлж байв.

УИХ-ын гишүүн Ц.Нямдорж ирэх оны төсөв дээр 100 тэрбум төгрөгийн шинэ хөрөнгө оруулалт тусгахын оронд цалинг хэвээр нь үлдээ. Эсвэл үр ашиггүй орон тоогоо танах хэрэгтэй. Өнөөдөр төрд 40-60 мянган орон тооны илүүдэл байна. Хот хоёр орлогчтой байна гэсэн. Гэтэл 6 орлогчтой ажиллаж байна. Цэц 16 хүнтэй ажиллаад болоод байдаг байсан одоо 45 ажилтантай болсон. Шүүхийн ерөнхий зөвлөл 9 ажилтантай байсан бол 180 болж томорсон. Энэ мэт байдлаас харахад цалинд гар дүрэхгүй байх бололцоо бий” гэсэн юм.