Б.Булганыг Төв аймаг дахь Урьдчилан хорих төвд хорьж байгаа

Ардчиллын удирдагч, төр, нийгмийн зүтгэлтэн С.Зориг агсны эхнэр Б.Булганыг цагдаа, тагнуулынхан баривчилж хорьсноос хойш  бараг 20 хонох гэж байна. Түүнийг чухам ямар хэргийн улмаас баривчилсныг өнөө хэр нууцалсаар байгаа ч С.Зориг агсны хэргийн улмаас гэж байгаа гэх мэдээлэл тархаж байсан. Мөн хар тамхины хэргээр баривчилсан гэх мэдээлэл ч тархсан. Гэхдээ энэ бол баттай мэдээлэл биш билээ.

Юутай ч Б.Булганыг цагдан хорьсон гэдгийг ЦЕГ-аас мэдэгдсэн удаатай. Тэгвэл түүнийг Төв аймаг дахь Урьдчилан хорих төвд хорьж байгаа гэх мэдээлэл байна. Харин улс төрийн хүрээнийхэн Б.Булганы баривчилгааг С.Зориг агсны хэрэгтэй холбоотой байх магадлалтай хэмээн үзэж байгаа юм.