Монголд болох тэмцээнд хоёр Солонгосын баг нэг далбаан дор оролцоно

Жүдо бөхийн Зүүн Азийн аварга шалгаруулах тэмцээн энэ амралтын өдрүүдэд /2018.5.9-10/ Улаанбаатар хотноо Спортын төв ордонд болно. Тус тэмцээнд хоёр Солонгосын тамирчид нэг далбаан дор оролцохоор болжээ. Мөн тэмцээний үеэр Ерөнхийлөгч Х.Баттулга хоёр Солонгосын Жүдо бөхийн холбооны удирдлагуудыг хүлээн авч уулзахаар төлөвлөж байгаа аж. 

Монгол, Япон, БНСУ, БНХАУ, Тайвань, БНАСАУ, Макао, Хонконг гэсэн 8 орны баг тамирчид тэмцээнд оролцох мэдүүлгээ ирүүлсэн байна. Ингэснээр Монголд ирэх тамирчин, хүндэт зочид, албаны хүмүүс нийлээд 200 гаруй зочид ирэхээр болжээ.

А.Түвшин