BTS-ийн гишүүд цэрэгт явах талаараа ярьжээ

2019 оны 04 сарын 23

Өмнөд Солонгосын BTS хамтлаг энэ сарын 21-нд “CBS Sunday Morning”-д ярилцлага өгсөн байна. Тэд дуу хөгжим, амжилт, уран бүтээлээс гадна цэрэгт явах талаараа ярьжээ. Хөтлөгч тэднээс “Та бүхэн хэзээ нэгэн цагт армид алба хаах болно” гэхэд Jin “БНСУ-ын иргэний хувьд хаах ёстой албаа хаах болно” гэж хариулжээ.

“Цэрэгт явснаар хамтлаг тарах, хэн нэг нь салж явах эрсдэл байгаад сэтгэл зовж байна уу” гэсэн асуултад:

Jungkook “Би одоо энэ талаар бодохыг хүсэхгүй байна. Яг одоо бол бидний үнэхээр сайхан үе”

RM “Энэ бол бидний хариулт. Бид энэ үеэрээ амьдарч, хийж бүтээж байгаадаа сэтгэл хангалуун байна” гэж хариулжээ.

Бүтэн ярилцлагыг эндээс үзнэ үү!

Өнгөрсөн жилээс эхлэн Өмнөд Солонгост урлаг соёл, спортын алдартнуудыг цэргийн албанаас чөлөөлөх талаар их ярьж, бичдэг болсон. Ингэснээр цэргийн хуаранд байснаас тайзан дээр байвал эх орондоо илүү ач тус хүргэх хүмүүсийг цэргийн албанаас чөлөөлөх боломжтой болно гэж үзэж байна.

Улстөрч Ха Тэ Хён “Бидэнд BTS хамтлагийн гишүүдийг цэргийн албанаас чөлөөлж өгөөч гэсэн хүсэлт байнга ирдэг. Хэрэв хэн нэгэн уран бүтээлч сонгодог хөгжим, жишээ нь хийл, төгөлдөр хуурын олон улсын тэмцээнд түрүүлэхээр цэргийн албанаас чөлөөлдөг юм байна. Харин Billboard-ийн чансаанд түрүүлсэн дуучин хүнд цэргээс чөлөөлөгдөх эрх олгогдоогүй байна” гэж шүүмжилж байв.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top