ЗАСГИЙН ГАЗАР: Идлэг шувууг ашиг олох зорилгоор хил давуулахыг хориглоно

Долоо хоног бүрийн лхагва гарагт Засгийн газрын ээлжит хуралдаан болдог. Тэгвэл Үндэсний их баяр наадам болох гэж байгаатай холбогдуулан Засгийн газар өнөөдөр /2019.07.09/ хуралдахаар болсон билээ.

Хуралдаан 08.00 цагт эхэлсэн.

Энэ удаагийн хуралдаанаар хэд, хэдэн асуудлыг хэлэлцэн шийдвэрлэхээр төлөвлөжээ. Тухайлбал, Монгол Улсын 2018-2021 оны хөрөнгө оруулалтын хөтөлбөр батлах, Идлэг шонхор шувууг ашиг олох зорилгоор гадаадад гаргахыг түр хугацаагаар хориглох, Соёлын тухай хуулийн шинэчилсэн найруулга зэрэг 23 асуудлыг хэлэлцэн шийдвэрлэх юм.