Видео: Б.Ганхайч Тина Трестеняктай барилдана

“Токио-2019” жүдо бөхийн ДАШТ-ий дөрөв дэх өдөр 81, 63 кг-ын жингийн барилдаануудаар үргэлжилж байна.

Эмэгтэйчүүдийн 63 кг-ын жинд Б.Ганхайч Бразилын Алексио Кастильос, Канадын Катерина Пинард нарыг ялсан.

Шилдэг 16-д тэр Италийн Maria Centracchio-тай таарч барилдлаа.

Нэмэлт цагт тус бүр хоёр торгуультай орсон бөхчүүд эн тэнцүүхэн өрсөлдсөөр Б.Ганхайч баруун сугадан мушгиад вазари үнэлгээ авч, шилдэг 8-д үлдлээ.

Одоо түүнд тун чухал барилдаан үлдээд байна. Олимп, дэлхийн аварга Словений Тина Трестеняк Б.Ганхайчийг хүлээж байна. 2017 оны Парисийн Их Дуулгад нэг таарч, Тина ялж байв.