Л.Оюун-Эрдэнэ: УИХ-аар техник, эдийн засгийн үндэслэлгүй нэг ч төсвийг батлахгүй  

Монгол Улсын Засгийн газрын үйл ажиллагааг нийтэд сурталчлан таниулах нээлттэй өдөрлөг өнөөдөр /2019.09.16/ Сүхбаатарын талбайд нээлтээ хийлээ.

Энэ үеэр Засгийн газрын Хэрэг эрхлэх газрын  дарга Л.Оюун-Эрдэнэ "Монгол Улсын Засгийн газрын үйл ажиллагааг сурталчлан таниулах нээлттэй өдөрлөгт ирсэн та бүхэнд баярлалаа. Монгол Улсын Засгийн газар 2007 оноос эхэлж нээлттэй өдөрлөгийн үйл ажиллагааг зохион байгуулж ирсэн. Засгийн газар 12 хоногийн турш өөрсдийн үйл ажиллагааг сурталчлан таниулна. Өнөөдрийн өдөрлөгт Засгийн газрын Хэрэг эрхлэх газар, Монгол Улсын Шадар сайдын эрхлэх асуудлын хүрээний 13 байгууллага, төрийн өмчит томоохон компанийн төлөөлөл болон Сангийн яам түүний харьяа гааль, татварынхан зэрэг найман байгууллага оролцож, үйл ажиллагаагаа олон нийтэд сурталчилж эхэллээ.

Энэ удаагийн нээлттэй өдөрлөгийн нэг онцлог нь Ерөнхий сайдаас Засгийн газрын 2020 цааш одоо хийгдэж байгаа үйл ажиллагаа бүхнийг текник, эдийн засгийн үнэлгээтэй, мөн хэрхэн хийгдэх макеттай нь хамт зохион байгуулахыг үүрэгдсэн. Өмнө нь Засгийн газрын үйл ажиллагаа нь төсөвт энэ хэлбэрээр суугдаагүй олон жилийн дутагдал байсан. Зургаан сарын хугацаанд энэхүү үйл ажиллагааг зохион байгуулахын төлөө Засгийн газрын Хэрэг эрхлэх газар болон холбогдох яамд хамтарч ажилласан. 

Цаашид Монгол Улсад УИХ-аар техник, эдийн засгийн үндэслэлгүй нэг ч төсөв суухгүй, батлахгүй Цаашид Монгол Улсын ард иргэдтэйгээ хамт юу, хэзээ, яаж хийгдэх вэ гэдэг урт хугацааны төлөвлөгөөнд туссан үйл ажиллагаа сууна. Ингэж байж Засгийн газар иргэдтэйгээ ойрхон байна. Ингэж байж хувийн хэвшилтэйгээ төр түншилж ажиллана. Ингэж байж татвар төлөгчдийн мөнгө үр ашигтай, хүртээмжтэй байх болно. Бид 12 хоногийн дараа эндээс гарсан саналыг авч, цаашид юу хийх вэ гэдэг асуудлаа үзэсгэлэн болгож гаргана. Тиймээс иргэд та бүхэн урт хугацааны төлөвлөгөөнд саналаа өгөөрэй" хэмээн ярилаа.