Улаан буудайн урамшууллыг 100 мянган төгрөг болголоо

Б.Эрхэс | Zindaa.mn
2019 оны 09 сарын 18

Засгийн газрын ээлжит хуралдаан өнөөдөр /2019.09.18/ боллоо. Үр тарианы болон дотоодын гурилын үйлдвэрлэлийг нэмэгдүүлэх, гурилын үнэ өсөх эрсдлээс сэргийлэн энэ оны ургацаас үйлдвэрүүдэд нийлүүлсэн, стандартын шаардлага хангасан нэг тонн хүнсний улаан буудайд олгох урамшууллыг 50 мянган төгрөгөөр нэмж 100 мянган төгрөг байхаар тогтов. Урамшууллын хэмжээг нэмснээр гурилын үнэ тогтвортой байх бүрэн боломжтой гэж тариалан эрхлэгчид үзэж байна.

Буудайн чанар, зэргийг тогтоох төрийн мэдлийн лаборатори байгуулах, Тариалан эрхлэлтийг дэмжих сангаас олгож байгаа техник, тоног төхөөрөмж, үр, бордооны үнийн урьдчилгааг 10-20 хувь болгон бууруулах, жижиг, дунд үйлдвэрлэлийн төсөл, хөтөлбөрт олгож байгаа зээлд тариалан эрхлэгчдийг хамруулах, газар тариалангийн үйлдвэрлэлийг даатгалд хамруулах, ургац хураалт, борлуулалтын үед импортоор төмс, хүнсний ногоо авахыг хязгаарлах зэрэг тариаланч, ногоочдын тавьсан санал, хүсэлтийг судалж, шаардлагатай арга хэмжээ авахыг Монгол Улсын Ерөнхий сайд У.Хүрэлсүх холбогдох албан тушаалтнуудад үүрэг болгов.  

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ХҮН/НОГОО ТАРИАЛАГЧ(103.111.68.3) 2019 оны 09 сарын 18

ХҮРЭЛСҮХИЙН ЗАСГИЙГ ДЭМЖИЖ БАЙНА. ТАРИАЛАН ЭРХЛЭГЧДИЙГ ДЭМЖЖЭЭ. ОДОО ХҮНСНИЙ НОГОО ТАРИАЛАНЧДАД ЗООРЬ БАРИХ АСУУДАЛ ДЭЭР ДЭМЖЛЭГ ҮЗҮҮЛБЭЛ МИПОРТЫН НОГОО ГЭДГИЙГ МАРТАХ БОЛНО ДОО

0  |  0
Top