ҮНЭ ХАНШ: Үхрийн мах 9000-13000 мянган төгрөгийн үнэтэй байна

НЭГ СЭДВЭЭР - МАХНЫ ҮНЭ ба БОДЛОГО, ЭКСПОРТ

Аравдугаар сарын III долоо хоногт хонины ястай мах нэг килограмм нь дунджаар 9210 төгрөг, үхрийн ястай мах нэг килограмм нь дунджаар 11137 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 52 төгрөгөөр 0.5 хувиар, үхрийн цул махны үнэ 252 төгрөгөөр 1.8 хувиартус тус буурсан байна. Хонины ястай махны үнэ өмнөх долоо хоногтой харьцуулахад 0.97 хувиар буюу 89 төгрөгөөр буурсан, хонины цул махны үнэ өмнөх долоо хоногтой харьцуулахад 0.71 хувиар буюу 67 төгрөгөөр буурсан байна. Адууны ястай мах нэг килограмм мах дунджаар 8,575 төгрөг, ямааны ястай махны үнэ өмнөх долоо хоногтой харьцуулахад 13.69 хувиар буюу 1,150 төгрөгөөр буурсан байна.

Энэ долоо хоногийн ажиглалтаар үхрийн ястай мах “Хүчитшонхор”  захад хамгийн хямд буюу 9000 төгрөг, Харин “Меркури” хүнсний захад хамгийн өндөр үнэтэй буюу 12500 төгрөг байна. Өмнөх долоо хоногтой харьцуулахад хонины ястай махны үнэ 79 төгрөгөөр (0.9%), хонины цул махны үнэ 69 төгрөгөөр (0.7%) буурсан байлаа. Энэ долоо хоногийн ажиглалтаар хонины ястай мах “Хүчитшонхор” хүнсний захад хамгийн хямд буюу 6000 төгрөгөөр, харин “Меркури” хүнсний захад хамгийн өндөр үнэтэй буюу 10000 төгрөгөөр худалдаалж байна.

Сонирхуулахад, 2018 оны аравдугаар сарын 24-ний байдлаар ямааны ястай мах 5000 төгрөг, адууны ястай мах 5850 төгрөг, хонины цул мах 6900 төгрөг, үхрийн ястай мах 7800 төгрөг, үхрийн цул мах 9000 төгрөг, хонины ястай мах 6500 төгрөг байжээ.

МАХНЫ ҮНЭ: 2019.10.20-НЫ ӨДРИЙН БАЙДЛААР