Ерөнхий сайд У.Хүрэлсүх Тавантолгой-Зүүнбаянгийн төмөр замын ажилтай танилцаж байна
Тавантолгой-Зүүнбаян чиглэлийн 414 км төмөр замыг үндсэн гурван хэсэгт хувааж доод бүтцийн бүтээн байгуулалтын ажил болон төмөр зам тавих ажлууд өрнөж байна.
Захиалагчаар "Монголын төмөр зам" компани ажиллаж байгаа бол ерөнхийд нь ЗХЖШ гүйцэтгэлийг хариуцан ажиллаж байна. Зураг төслийн ажлыг дан төрийн өмчит компаниар хийлгэж байгаа юм. Цэргийн найман анги, 64 ААН-ын 2300 ажилтан 1300 техник хэрэгсэл ажиллаж байна.
Ирэх 12 дугаар сарын 1-нд хоёр зөрлөгийн байшингийн барилгын ажил дуусна гэж төлөвлөжээ. Одоогоор төмөр замаа тавихад бэлэн болсон 14 км урт далан барьж дуусгаад байна.
Говийн бүс нутагт түгээмэл тархацтай дүүргэлтийн материал ховор байдаг нь төмөр замын доод бүтэц буюу далангийн ажлыг хийхэд хүндрэл болж байна. Гүйцэтгэгч байгууллагын хувьд балласт чулуугаа энэ өвөлжин буталж бэлдэх юм. Мөн 36 худаг гаргахаас 4 худаг гаргаад байна. Энэ төсөлд нийт 1,5 их наяд төгрөгийн хөрөнгө оруулалт шаардлагатай. Тавантолгой Зүүнбаян чиглэл дагуу ашигт малтмалын 37 орд байрладаг, Монгол газрын тос боловсруулах үйлдвэртэй холбогдоно.
Мөн ОХУ БНХАУ-ыг холбосон хоёр дахь транзит төмөр замын зангилаа болох стратегийн чухал ач холбогдолтой бүтээн байгуулалт юм.
Холбоотой мэдээ
Сэтгэгдэл ( 3 )
хэдэн км замд хэдэн өртөө зөрлөгийн тоог хязгаарлаж тогтоож өгөөч
энэ жилийн шинэ цэргүүд ингэж л харагдаад байгаа
жоохон хуухдууд ажиллуулж байгаа юм уу ,,суулийн зураг