Замын төлбөрийг тав дахин нэмэгдүүлсэн шийдвэрийг хүчингүй болгоно

Нийслэлийн иргэдийн Төлөөлөгчдийн Хурлын өнөөдрийн /2019.12.16/ хуралдаанаар “Авто зам ашигласны төлбөрийн хувь хэмжээг шинэчлэн тогтоох тухай” 29/30 дугаар тогтоолыг хүчингүй болгох,  “Нийслэлийн 2020 оны төсөв батлах тухай” 29/31 дүгээр тогтоолд өөрчлөлт оруулах асуудлыг хэлэлцэнэ.

Авто зам ашигласны төлбөрийг тав дахин нэмэгдүүлэх шийдвэрийг олон нийт эсэргүүцэж,  иргэн Б.Цэгмид, "Босоо Монгол” ТББ-ын тэргүүн П.Шинжээравдан, "Үнэн ба зөв" нам, МАХН-ын гишүүд хамтран энэ сарын сарын 9-ний өдрөөс эхлэн автомашинтай жагсаалыг зохион байгуулсан. Авто зам ашигласны төлбөрийн хувь хэмжээг нэмсэн нь ийнхүү иргэдийн эсэргүүцэлтэй тулгарсан тул тогтоолыг хүчингүй болгож дахин хэлэлцэх гэж байна.

Мөн дээрх өөрчлөлттэй холбоотойгоор Нийслэлийн 2020 оны төсөвт өөрчлөлт оруулах ажээ.