Халдашгүй байдлын дэд хорооны ИРЦ БҮРДЖЭЭ

М.Хангал | Zindaa.mn
2020 оны 01 сарын 24

Прокурорын байгууллагаас өнгөрсөн долоо хоногт УИХ-ын гишүүн Н.Номтойбаярын бүрэн эрхийг түдгэлзүүлэх саналыг парламентад хүргүүлсэн билээ. Энэ дагуу УИХ-ын Халдашгүй байдлын дэд хороо өнгөрсөн хугацаанд гурван удаа хуралдахаар цугласан ч ирц бүрдээгүй гэх шалтгаанаар өнөөдрийг хүртэл хойшлоод байв.

Учир нь, дэд хорооны гишүүн, ХХААХҮ-ийн сайд Ч.Улаан гадаадад албан томилолттой байсан бөгөөд өнөөдөр /2020.01.24/ эх орондоо ирснээр ийнхүү УИХ-ын Халдашгүй байдлын дэд хороо яг одоо Төрийн ордонд бүрэн бүрэлдэхүүнээрээ хуралдаж байна. 

УИХ-ын Халдашгүй байдлын дэд хороог УИХ-ын гишүүн Ц.Нямдорж, Д.Лүндээжанцан, Н.Энхболд, Ө.Энхтүвшин, Ч.Улаан нарын парламентад хамгийн олон жил ажилласан туршлагатай гишүүд бүрдүүлдэг юм.

Халдашгүй байдлын дэд хорооны хуралдааны шийдвэрт тулгуурлан МАН-ын бүлэг хуралдаж УИХ-ын гишүүн Н.Номтойбаярын бүрэн эрхийн асуудлыг хэлэлцэхээр хүлээж буй.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн(202.9.47.21) 2020 оны 01 сарын 24

5 өвөө Нямтайшираар Удирдуулдаг !!

0  |  0
Top