МАН: Урт хугацааны хөгжлийн бодлогод тулгуурлан Мөрийн хөтөлбөрөө боловсруулав
Монгол Ардын Нам ээлжит Бага хурлаа өчигдөр орон даяар цахимаар зохион байгуулж, УИХ-ын сонгуульд оролцох мөрийн хөтөлбөрөө баталсан. Монгол Ардын Нам эрх чөлөө, шударга ёс, эв нэгдлийг эрхэм болгодог нийгмийн ардчиллын үзэл баримтлалтай намын хувьд нийгэм дэх тэгш бус байдлыг багасгах, нийгмийн хөгжил иргэн бүрт тэгш шударга хүрэх, дундаж давхаргыг дэмжих зорилтуудыг энэхүү мөрийн хөтөлбөрт онцлон тусгажээ.
Мөрийн хөтөлбөрөө боловсруулж батлахдаа “Монгол Улсын Тогтвортой хөгжлийн үзэл баримтлал-2030”, “Алсын хараа 2050” Монгол Улсын урт хугацааны хөгжлийн үзэл баримтлалын төсөл зэрэг бодлогын баримт бичгүүдийг үндэс болгосон байна. Түүнчлэн 2016-2020 оны МАН-ын УИХ-ын сонгуулийн мөрийн хөтөлбөрийн хэрэгжилт, иргэд олон нийтийн өгсөн үнэлэлт, салбарын эрдэмтэн судлаачдын дүгнэлтэд үндэслэн амжилттай хэрэгжиж буй хөтөлбөр, бүтээн байгуулалтуудыг үргэлжлүүлэн хэрэгжүүлэхээр тусгасан байна.
Мөрийн хөтөлбөрийг боловсруулах явцад иргэд, МАН-ын гишүүд дэмжигчид, эрдэмтэн судлаачдаас 15 мянга орчим санал, мэргэжлийн холбоод, иргэний нийгмийн байгууллагууд, хувийн хэвшил, бизнес эрхлэгчдээс найман мянга гаруй, УИХ, Засгийн газрын гишүүдээс 501, МАН-ын Удирдах зөвлөл, Бага хурлын гишүүд, аймаг нийслэл, дүүргийн намын хороодоос 3500, намын дэргэдэх ТББ-уудаас 26300, нийтдээ 303,000 саналыг тус тус ирүүлжээ.
Мөрийн хөтөлбөр боловсруулах ажлын хэсэг өнгөрсөн нэг жилийн хугацаанд нийт 20 гаруй хэлэлцүүлэг хийсэн байна.
Холбоотой мэдээ
Сэтгэгдэл ( 5 )
МАН, АН алиныг нь ч ”тогос шиг гоёод, хөхөө шиг донгодсон ч” бүү итгэ. Энэ хоёрыг булшлах цаг ойртлоо шүү олон түмээн!
Хэн илүү худлаа ярьж чадах вэ гэсэн уралдаан зарласан юм уу? МАНАН - ийн хоёр талын ярьж байгааг харвал тийм ч юм шиг. АН - нь цалинг 3 сая болгох гэнэ, МАН нь огт байхгүй урт хугацааны бодлогыг үндэс болгосон гэнэ. Тэр урт хугацааны бодлого гэдэг чинь социализмд л байсан зүйл ш дээ, одоо даанч байхгүй. 4 жилийн төлөвлөгөө байж болох ч тэр нь богино хугацааны төлөвлөвлөгөө, гэхдээ үгүйсгэлийн төлөвлөгөө байдаг шүү дээ.
Хэн илүү худлаа ярьж чадах вэ гэсэн уралдаан зарласан юм уу? МАНАН - ийн хоёр талын ярьж байгааг харвал тийм ч юм шиг. АН - нь цалинг 3 сая болгох гэнэ, МАН нь огт байхгүй урт хугацааны бодлогыг үндэс болгосон гэнэ. Тэр урт хугацааны бодлого гэдэг чинь социализмд л байсан зүйл ш дээ, одоо даанч байхгүй. 4 жилийн төлөвлөгөө байж болох ч тэр нь богино хугацааны төлөвлөвлөгөө, гэхдээ үгүйсгэлийн төлөвлөгөө байдаг шүү дээ.
Эдэнд итгэснээс эрхий хуруундаа итгэ. МАН - д итгэснээс малдаа итгэсэн нь хавьгүй дээр. 100 жилийн тэртээх эх орончдын нэрийг барьсан, хулгайч, луйварчдаар дүүрсэн эднийг Монгол түмэн юу хийж чадах, чадахгүйг ялгаж чадна гэж итгэнэ.
Өөрсдөө хулгайч болохоор хулгайчидтай тэмцэж чаддаггүй нам юм байна гэж ойлгогдлоо.