Х.Баттулга: Хямралын нөхцөлд зохицуулан төрийн удирдлагыг төвлөрүүлье

Автор | Zindaa.mn
2020 оны 03 сарын 26

Монгол Улсын Ерөнхийлөгч Х.Баттулга ард түмэндээ хандан зургаан зүйл бүхий уриалга гаргалаа.

 

УРИАЛГАД:

“Сүүлийн үед коронавирусний тахал, нефтийн үнийн уналт, дэлхийн санхүүгийн зах зээлийн уналтаас үүдэн эдийн засагт даяар хямрал нүүрлэн ирлээ гэж дэлхийн бараг бүх эдийн засагчид дүгнэж, Засгийн газрууд нүүрлэн буй хямралын цохилтыг зөөлрүүлэх, даван туулахад бүхий л хүч анхаарлаа тавьж эхлэв.

Бидний мэддэг, дасал болсон эдийн засгийн даяар систем маш богино хугацаанд танигдахын аргагүй өөрчлөгдөж эхэллээ. Орчин үеийн дэлхийн эдийн засаг цоо шинэ асуудалтай тулгарсан ба энэ нь дэлхийн үйлдвэрлэлийн хэмжээ хүн амын худалдан авах боломжоос хэт даван гарсан явдал аж.

Олонх аналитикууд 2020 оны зун, намраас дэлхийн эдийн засагт бодит секторын хямрал болж, нэлээд удаан үргэлжилнэ гэж үзэж байна. Дэлхийн бүх улс орнууд хямралд бэлтгэж эхэллээ.

Өнгөрсөн зууны 80-аад онд бүрэлдэж бий болсон эрэлтийг урамшуулдаг систем ажиллахаа больсон байна. Үүний улмаас хүн амын эрэлтийг хязгаарлах механизм, үүний дотор хорио цээрийн улмаас хамгийн эхлээд дэлхийн эдийн засгийн болон тээврийн ложистик систем эвдрэх аж. Үүний улмаас ХХ зууны 30-аад онд АНУ-д болсон “Их хямрал” (депресси)-тай дүйцэхүйц нөхцөл байдал үүснэ гэж мэргэжилтнүүд санал нэгтэй дүгнэж байна.

Нүүрлэн буй эдийн засгийн даяар хямрал түүхий эдээ экспортлох баримжаатай, “либерал хандлагатай” эдийн засагт илүү хүндээр тусна гэсэн зарим мэргэжилтний дүгнэлт манай Монголд туйлын их хамаатай.

Коронавирусний тахлын эсрэг бид одоохондоо чамгүй сайн тэмцэж байгаа боловч үнэнийг хэлэхэд энэ арга хэмжээнд асар их мөнгө урсгаж байна. Нөхцөл байдал энэ хэвээрээ удвал манай эдийн засаг энэ их ачааллыг удаан даахгүй нь ойлгомжтой. Үүний дээрээс дэлхий даяар хямрал болж, эдийн засгийн болон ложистик систем эвдэрч, эрдэс баялаг, түүхий эдийн эрэлт буурах аваас юу болохыг төсөөлөхөд бэрх.

Иймээс Би Монгол Улсын Ерөнхийлөгчийн хувьд улс нийтээрээ гарцаагүй нүүрлэн ирсэн даяар хямралд бэлтгэж, түүнийг даван туулах цогц арга хэмжээг яаралтай төлөвлөж, хэрэгжүүлж эхлэх нь зүйтэй хэмээн үзэж энэ уриалгыг гаргаж байна.

Хэрэв бид эдийн засгаа хямралын нөхцөлд зохицуулан зөв зохион байгуулж чадвал түүнийг гарз хохирол багатай даван туулах баялаг, хүн хүч, хөрөнгийн нөөц хангалттай байгаа гэдгийг онцлон дурдаж байна. Манай улсад бусад оронд болдог шиг юу юугүй өлсгөлөн, гачлан болохгүй гэдэгт би итгэлтэй байна. Хэдий ийм ч бид бүхэн Монголын буяныг хямгадах, хэмнэх, зохистой зарцуулах цаг ирж байна.

Хямрал хаяанд ирээд хаалга тогшиж байхад манай улс төрийн намууд ямар ч тооцоо судалгаагүй атлаа сонгуулийн том том мөнгөн амлалт өгч байгаа нь оргүй худлаас гадна тэд цаг үеэ огт мэдрэхээ байсны баттай шинж мөн. Манай улс төрийн намууд хийгээд түүний бараг бүх удирдагчид “улс төрийн хямрал нүүрлэсэн” гэж дүгнэсэн нь саяхан. Эдүгээ улс төрийн хямрал дээр эдийн засгийн даяар хямрал нэмэгдэж, давхар хямрал нүүрлэсэн нөхцөлд манай улс төрийн намууд амлалтын биш, хямралыг даван туулах хөтөлбөр гаргах нь зүйтэй. Намайг улс төрийн реформ хийнэ гэхэд намууд дургүйцэж байсан алдаагаа дахин давтахгүй гэж найдаж байна.

Нэн түрүүнд дараах арга хэмжээ авах нь зүйтэй гэж үзэж байна:

 

Нэг. Юуны өмнө улсын төсөвт тодотгол хийж, сонгуульд зориулсан болон тэвчиж болох бүх зардлыг танаж, үүнээс гарсан мөнгийг хямралын эсрэг арга хэмжээнд зарцуулах.

Хоёр. Энэ удаагийн УИХ-ын сонгуулийг хойшлуулж, түүнд зарцуулах хөрөнгө мөнгийг хэмнэх.

Гурав. Хямралын үед хамаг хүндрэл бэрхшээлийг үүрэн гарах үйлдвэр, аж ахуйн нэгж, хувиараа хөдөлмөр эрхлэгчдийг дэмжих “Хямралын эсрэг” тусгай сан бүрдүүлэх, түүнийг зарцуулах дүрэм журам боловсруулах.

Дөрөв. Нийт иргэд, ялангуяа хүүхдийн амьжиргааны түвшинг хэвээр хадгалах, тэтгэх, ажилгүйдлийг бууруулах, түүнээс ирэх цохилтыг зөөлрүүлэх, иргэдээ наад захын хэрэгцээт зүйлсээр тасралтгүй хангах арга хэмжээний төлөвлөгөө боловсруулах.

Тав. Энэ асуудлыг Үндэсний Аюулгүй байдлын Зөвлөлөөр хэлэлцэж, хямралд бэлтгэж, түүнийг даван туулах эрдэмтэн мэргэжилтнээс бүрдсэн цомхон бөгөөд чадварлаг комиссыг (хороо) нэн яаралтай байгуулж, ажлын төлөвлөгөө, хуваарь гаргах.

Зургаа. Хямралын нөхцөлд зохицуулан төрийн удирдлагыг төвлөрүүлэх. Ташрамд дурдахад, энэ бол дарангуйлал огтхон ч биш, зайлшгүй авах шаардлагатай арга хэмжээ юм.

Би ард түмнээ хямралаар айлгаж байгаа юм биш. Харин гарцаагүй нүүрлэн ирсэн аюулыг сөрөн зогсох, хохирол багатай даван туулах тухай бодит үнэнийг л ярьж байна.

Аливаа хямралыг зөвхөн хар амиа бодож, ганц ганцаараа даван туулах гэвэл их эндүүрэл байдгийг дэлхийн түүх харуулдаг. Хямралыг даван туулах цорын ганц арга нь эв нэгдэлтэй, зохион байгуулалттай, сахилга хариуцлагатай, төвлөрсөн удирдлагатай байж, бүх нийтээрээ хүчээ нийлүүлэн хамтран ажиллах явдал мөн. Наад зах нь манай иргэд тансаг зүйлийн хэрэглээгээ багасгаж, хэрэглээгээ зохистой бага түвшинд хэсэг хугацаанд барихад л асар их хөрөнгө хэмнэж болно.

Хямралыг даван туулах тухай эл асуудлыг ойрын хугацаанд УИХ, Засгийн Газар, Үндэсний Аюулгүй байдлын Зөвлөлөөр ярьж шийдэж болно, тэгэх ч байх. Гэхдээ ийм том, ноцтой асуудлыг ард түмэндээ дуулгахгүй хийх нь тун зохисгүй явдал гэж үзсэний учир энэ уриалгыг гаргаж байна.

Бид бүхэн хамтдаа хүндрэл бэрхшээлийг даван туулж чадна!

Мөнх тэнгэрийн хүчин дор Монголын уудам нутагт эрүүл энх, элэг бүтэн амьдрал өнөд оршиг” гэжээ.

Сэтгэгдэл ( 12 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ard tumenees chini(75.86.79.22) 2020 оны 03 сарын 27

Eronkhiilogchiin sanalig 100

0  |  0
Ard tumenees(75.86.79.22) 2020 оны 03 сарын 26

Songuuliig khoishluulj uls ornikhoo ediin zasgiig ood ni tatakh ene garts zov zuitei sanal. Ter ch baitugai ulsin ikh khurlig taraaj zasgiin gazar ene khund nokhtsoliig davan tuultal dan gantsaaraa shudarga ikh khurlin gushuudiin demjleg bolon ard tumenteigee khamtarch ajillaval uluu ur dund khurekh garts kharagdaj baina. Ard tumeneeree demjine.

0  |  0
Ard tumenees(75.86.79.22) 2020 оны 03 сарын 26

Songuuliig khoishluulj uls ornikhoo ediin zasgiig ood ni tatakh ene garts zov zuitei sanal. Ter ch baitugai ulsin ikh khurlig taraaj zasgiin gazar ene khund nokhtsoliig davan tuultal dan gantsaaraa shudarga ikh khurlin gushuudiin demjleg bolon ard tumenteigee khamtarch ajillaval uluu ur dund khurekh garts kharagdaj baina. Ard tumeneeree demjine.

0  |  0
Ard tumenees(75.86.79.22) 2020 оны 03 сарын 26

Songuuliig khoishluulj uls ornikhoo ediin zasgiig ood ni tatakh ene garts zov zuitei sanal. Ter ch baitugai ulsin ikh khurlig taraaj zasgiin gazar ene khund nokhtsoliig davan tuultal dan gantsaaraa shudarga ikh khurlin gushuudiin demjleg bolon ard tumenteigee khamtarch ajillaval uluu ur dund khurekh garts kharagdaj baina. Ard tumeneeree demjine.

0  |  0
Ard tumenees(75.86.79.22) 2020 оны 03 сарын 26

Songuuliig khoishluulj uls ornikhoo ediin zasgiig ood ni tatakh ene garts zov zuitei sanal. Ter ch baitugai ulsin ikh khurlig taraaj zasgiin gazar ene khund nokhtsoliig davan tuultal dan gantsaaraa shudarga ikh khurlin gushuudiin demjleg bolon ard tumenteigee khamtarch ajillaval uluu ur dund khurekh garts kharagdaj baina. Ard tumeneeree demjine.

0  |  0
233(203.91.112.133) 2020 оны 03 сарын 26

Гадаадын оюутнууд хүртэл эх орон маань энэнээс олон хүн аваачиж тусгаарлах боломжгүй гээд байхад өчигдөр нэг тэнэг юм зкасгийн газрыг шинээр эмхлэнэ ч гэх шиг. Арай өөдтэй байгаач та нар. Та нарын улс төр эх оронд маань хэрэггүй. Ямар арчаагүй хүмүүс вэ, Гаднаас өвчин туссан хүмүүсээ авчрахгүй энэ тэр гээд л үнэн хөгийн хувиа хичээсэн хүмүүс юмаа. Эх орон нь иргэн бүртээ санаа тавих ёстой. Даргын. эхнэр хүүхэд ч байсан энэ улсын нэг иргэн. Вирус хэнийг ч ялгахгүй. Та бүхэнд ч ийм юм тохиолдож болно. Хүнд хэцүү цагт эв нэгдэлтэй, эх оронч, ухаалаг байх хэрэгтэй. Өөр засаг гарч байсан бол улсаар

1  |  0
233(203.91.112.133) 2020 оны 03 сарын 26

Засгийн газар бүхий чадлаараа ажиллаж байна. Ийм хүнд үед улс төр хийж, засаг төрөө солино энэ тэр гэсэн хогийн юм хийхгүй байлгүй дээ. Хэрвээ төсөвт тодотгол хийх юм бол хүнд үед амь насаа хайрлахгүй зүтгэсэн эмнэлэг, онцгой байдал, цагдаагийн ажилтнууддаа мөнгөн шагнал өгөх хэрэгтэй. Хөөс попд хэрэггүй. Хүн бүхэн амьсгаа даран хүнд үеийг туулж байхад яагаад зарим нь ийм аймаар хувиа хичээсэн байдаг юм бэ.

1  |  0
муухай(202.131.230.86) 2020 оны 03 сарын 26

ганцхан зикагийн СТРАТО компанийн эрх ашгийг хангах зорилгоор ТТ-н бүтээн байгуулалтыг зогсоож байна ш дээ

0  |  0
Д.Ганхуяг(202.179.25.93) 2020 оны 03 сарын 26

Баттулгын уриалгыг дэмжиж байна.

2  |  0
Д.Ганхуяг(202.179.25.93) 2020 оны 03 сарын 26

Өндөр өвгөд, эгэлгүй эмгэд мааиь ийм үеп угтаж бултгээд, тосч тэсч гараад хумиж довтлох гэж сургажээ. Ямарч байсан ийм үед наад зах нь нэгдмэл удирдланга шаардлагатай: Ийм үед хувиа борлуулсан , довоо гарлуулж, төсвөөс хумсалсан 76 гишүүн огт хэрэггүй. Тэд төвлөрсөн удирдлагын хууль гаргаж гэртээ өөрсдийгээ тусгаарлах хэрэгтэй. Хятад улс чухамхүү нэгдмэл удирдлагын ачаар л ард түмнээ нэгтгэж энэ тахлаас салж чадлаа. Ард түмний хөрөнгийг харийн луйварчдал үнэгүй өгч хувийн хүслээ хангасан этгээдүүдэд нэн даруй хариуцлага тооцож , учирсан хохирлыг төлүүлэх арга хэмжээг нэн даруй авах

0  |  0
99999(103.20.152.50) 2020 оны 03 сарын 26

дэмжиж байна .....

2  |  0
двойка(66.181.191.20) 2020 оны 03 сарын 26

сонгогдсон хугацаандаа идэж ууж амжаагүймүү \n

0  |  0
Top