Булганы Сэлэнгэ суманд дөрвөн настай хүү алга болжээ

Булган аймгийн Сэлэнгэ сумын Таримал багийн нэгдүгээр гудамжинд өнгөрсөн гуравдугаар сарын 22-ний өдөр дөрвөн настай эрэгтэй хүүхэд гэрийнхээ ойролцоо Сэлэнгэ голын эрэгт тоглож байгаад алга болсон байна. 

Түүнээс хойш эрэн хайх ажиллагааг явуулсан ч ямар нэгэн сураг гараагүй байна. Ар гэрийн хүсэлтээр эрэн хайх ажиллагааг түр зогсоогоод байсан бөгөөд өчигдрөөс Булган аймгийн Онцгой байдлын газрын дарга, дэд хурандаа Ш.Баасандоржоор ахлуулсан 11 алба хаагч хайх ажлыг эхлүүлжээ.