Зөвшөөрөлгүйгээр эмийн үйлчилгээ эрхэлсэн компанийг торгожээ

Зөвшөөрөлгүй эм барих үйл ажиллагаа явуулсанд хуулийн дагуу арга хэмжээ авлаа.

Мэргэжлийн хяналтын байгууллагын 2020 оны төлөвлөгөөт хяналт шалгалтыг Баянгол дүүрэгт үйл ажиллагаа явуулж буй "Ниппон наран трейд" ХХК-ийн “Эм, эмнэлгийн хэрэгсэл, биологийн идэвхт бүтээгдэхүүн, тоног төхөөрөмж” импортлох, ханган нийлүүлэх байгууллагын үйл ажиллагаанд хяналт шалгалт хийлээ.

Шалгалтаар эрх бүхий байгууллагын зөвшөөрөлгүйгээр эм барих үйл ажиллагаа явуулсан тул Зөрчлийн тухай хуулийн 6.6 дугаар зүйлийн 9 дүгээр заалтыг үндэслэн торгуулийн арга хэмжээ авлаа.