МХЕГ: Арчдасын 22 дээж шаардлага хангаагүй байна

2021 оны 01 сарын 20

Мэргэжлийн хяналтын байгууллагын нийт 2135 албан хаагч МХЕГ, НМХГ, 21 аймгийн Мэргэжлийн хяналтын газар, Хилийн боомтуудад Шуурхай штаб болон эргүүл хяналт, тандалт хийн ажиллаж байна.

ХАЛДВАРГҮЙТГЭЛ: Өнгөрсөн 24 цагийн (2021.01.19-ний 06:00 цагаас 2021.01.20-ны 06:00 цаг хүртэл) хугацаанд улсын хэмжээнд 31,049 м2 талбайд хийгдсэн урьдчилан сэргийлэх халдваргүйжүүлэлт, 12 объектын 2016 м2 талбайд хийгдсэн голомтын эцсийн ариутгал халдваргүйтгэлийн үйл ажиллагаанд хяналт тавьж, мэргэжил арга зүйгээр хангаж ажиллав.

ТУСГААРЛАН АЖИГЛАХ БАЙР: Улсын хэмжээнд 46 байранд 2140 хүн тусгаарлан ажиглаглалтад байна. 2021 оны нэгдүгээр сарын 19-ний өдөр 114 иргэний гэрийн ажиглалтын хугацаа дуусчээ.

ЭРҮҮЛ МЭНДИЙН БАЙГУУЛЛАГЫН БЭЛЭН БАЙДАЛ: Эрүүл мэндийн байгууллагуудын бэлэн байдлын хяналт шалгалтыг 15 эмнэлэгт хийж, эмнэлгийн тусламж үйлчилгээтэй холбоотой зохион байгуулалтын болон хувийн хамгаалах хэрэгсэл, халдваргүйтгэлийн бодис, эм, эмнэлгийн хэрэгслийн тоног төхөөрөмжийн хангамж дутагдалтай, иргэд ажилтнуудын халууныг хэмжих, макс зүүлгэх шаардлагыг хангуулаагүй зэрэг зөрчлийг илрүүлэн албан шаардлага, зөвлөмж өгч зөрчлийг арилгуулах арга хэмжээ авав. /Улаанбаатар, Ховд, Увс, Сэлэнгэ, Өвөрхангай, Орхон, Дундговь/

КОВИД-19-ИЙН ШИНЖИЛГЭЭ АВАХ ЦЭГИЙН ХЯНАЛТ: Шинжилгээ авах 35 цэгт хийсэн хяналтаар зөрчил илрээгүй байна.

АХУЙН БОЛОН АЮУЛТАЙ ХОГ ХАЯГДАЛ: 152 объектын ахуйн хог хаягдлын цуглуулалт, тээвэрлэлт, устгалын байдал, 579 байгууллага, аж ахуйн нэгж гадна орчны 50 м хүртэлх газрын цэвэрлэгээ хийсэн эсэхэд хяналт шалгалт хийж зөвлөмж өглөө.

Улаанбаатар хотын эрүүл мэндийн байгууллагын аюултай хог хаягдал устгалын төвлөрсөн байгууламжууд болох Элемент ХХК, Элемент медикал ХХК-иудад 2021 оны 01 дүгээр сарын 19-ний өдрийн байдлаар 200 эмнэлэг, эм хангамжийн байгууллага, 7 тусгаарлан ажиглах байр, 32 түргэвчилсэн оношилгооны цэг, Буянт-Ухаа боомт дахь ХМХА-наас нийт 8132,1 кг хог хаягдал тээвэрлэж, цуглуулсан байна. Цуглуулсан 8062,7 кг хогийг устгаснаас 6028,6 кг хогийг халдваргүйжүүлсний дараа булж, 2034,1 кг хог хаягдлыг шатаах зууханд шатааж устгасан байна.

ХЯЗГААРЛАЛТ, ХАЛДВАР ХАМГААЛЛЫН ДЭГЛЭМИЙН ХЭРЭГЖИЛТ: УОК, НОК, АОК-ийн шийдвэрийн дагуу үйл ажиллагааг нь хориглож, хязгаарласан 33 байгууллагад хяналт шалгалт хийж илэрсэн зөрчлийг газар дээр  нь арилгуулах арга хэмжээ авсан..

Үйл ажиллагааг нь хориглоогүй худалдаа үйлчилгээний 1575 аж ахуйн нэгжийн үйл ажиллагаанд хяналт тавьж илэрч буй зөрчлийг арилгуулах, халдвараас урьдчилан сэргийлэх талаар зөвлөмж өглөө. Хяналт шалгалтад хамрагдсан байгууллагын 356 нь үйлчлүүлэгч, ажиллагсдын бие засах, гар угаах нөхцлийг бүрдүүлсэн, 957 нь хүн хоорондын зай барих шаардлагын хэрэгжилтийг хангуулсан байна.

ХИЛИЙН БООМТ, ГҮНИЙ ХЯНАЛТ: Улсын хилээр нэвтрэн орсон 196 тээврийн хэрэгсэл, 139 жолооч, хилээр гарсан 193 тээврийн хэрэгсэл, 119 жолооч, зорчигчид хяналт шалгалт хийж, тээврийн хэрэгслийг халдваргүйжүүлэлтэд хамруулан халдвараас сэргийлж ажиллалаа. Жолооч нарт  халдварын шинж тэмдэг илрээгүй байна.

Улаанбаатар хот дахь гүний хяналтын бүсэд 33 аж ахуйн нэгжийн 1951.8 тн бодис, бараа бүтээгдэхүүнийг хяналт шалгалтад хамруулан хилээс чөлөөлөв.

ШАЛГАН НЭВТРҮҮЛЭХ ТОВЧОО, АГААРЫН ЧАНАРЫН ХЯНАЛТ: Улсын хэмжээнд дотоодын авто тээврийн шалган нэвтрүүлэх хяналтын цэгээр 5595 тээврийн хэрэгсэл нэвтрэх үеийн халдваргүйтгэлийн үйл ажиллагаанд 291 улсын байцаагч хяналт тавьж 15,488 (шинжилгээ өгсөн 4885) иргэнд зөвлөгөө өгсөн.

Нийслэлийн авто тээврийн шалган нэвтрүүлэх товчоогоор тусгай зөвшөөрөлтэй нэг тээврийн хэрэгслээр 37.1 тн түүхий нүүрс дамжин өнгөрч, 6 тээврийн хэрэгслээр 153.3 тн түүхий нүүрс нэвтэрсэн байна.

Тавантолгой түлш ХХК 4351.3 тн түлш үйлдвэрлэж, 3297.85 тн түлш борлуулалтад гаргажээ. Нийслэлд сайжруулсан түлш борлуулж буй цэгийн 56 цэгт хяналт хийхэд 194.3 тн түлшний нөөцтэй байна.

УНДНЫ УС ХАНГАМЖ, УРЬДЧИЛАН ЦЭВЭРЛЭХ БАЙГУУЛАМЖ:  1 объектын ундны усны аюулгүй байдалд хяналт шалгалт хийлээ.

ЛАБОРАТОРИЙН ШИНЖИЛГЭЭ: Улсын хэмжээнд Мэргэжлийн хяналтын байгууллагын харъяа 25 лабораторид 642 дээж шинжилгээнд ирж, 476 дээжийн шинжилгээний хариу гарчээ. Шинжилгээгээр хүнсний түүхий эд, бүтээгдэхүүн болон орчны шинжилгээ, ариутгалын бодис, арчдасын 22 дээж шаардлага хангаагүй байна.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Илэрц(202.179.25.246) 2021 оны 01 сарын 21

Илэрсэн зөрчилд хариуцлага яаж тооцох талаар ганц ч үг ганхийсэнгүй. Шалгалтын үр дүнд хариуцлага яригдах ёстой. Тэр алга.

0  |  0
(64.119.23.133) 2021 оны 01 сарын 20

tegeedch datagui ngejgui hun orood yum avah suuh geheer uuduus kodoo unshuul geed bolohgui baina,tegeed butsaad yavah ni,hunii amidralaar ingej togloj bolohguidee,ter alban baiguullaguud uursduu niitiin uilchilgee uzuulj baigaa bol uilchilgeegee hariutsmaar baina,ihenh gazar ni suljee nevterdeggui barag ushigdadgui tiim baij ih hudlaa unshuul ene ter geed ih meddeg yum shig yum yariad suugaad bainaa

0  |  0
(64.119.23.133) 2021 оны 01 сарын 20

qr kodtoi baiguullaguud uursduu neelttei wifitai baimaar bainaa,hunees mungii ni avch baij uilchlegchuulegchee shuud hunees utasni tulbur yarih shaardah yosgui.gants delguur orohod l udriin yumuu heden hongiin data munguur avna,tegeed delguur avtuusand hedhen secund heregleed tsaash ni yamarch heregleh shaardlagaggui hii mungu ursaad bn.

0  |  0
TRUMP(124.158.69.157) 2021 оны 01 сарын 20

MONGOLCHUUDAA QR KOD OOR DARAMDLUULN GEJ BGUI SHU

0  |  0
Top