Ерөнхий сайд Л.Оюун-Эрдэнэ тамгаа гардан авлаа

Автор | Zindaa.mn
2021 оны 01 сарын 27

УИХ-ын чуулганы нэгдсэн хуралдаанд оролцсон гишүүдийн 87,9 хувийн саналаар Лувсаннамсрайн Оюун-Эрдэнийг Монгол Улсын Ерөнхий сайдаар томиллоо. Ерөнхий сайд асан У.Хүрэлсүх 32 дахь Ерөнхий сайдад тамгыг нь гардуулж ажлын амжилт хүсэн ерөөв. Тэрээр "Түүхэн эгзэгтэй цаг үед улс орноо зөв удирдан, ард түмнийхээ эв нэгдлийг сахин хамгаалж, хоёргүй сэтгэлээр зүтгэнэ гэдэгт огт эргэлзэхгүй байна" гэв. Ерөнхий сайд Л.Оюун-Эрдэнэ "У.Хүрэлсүх таны тэргүүлж байсан Засгийн газрын бодлогыг үргэлжлүүлж, газрын тос боловсруулах үйлдвэр барих зэрэг томоохон бүтээн байгуулалтыг дуусгана. Монгол Улсаа хөгжүүлэхийн төлөө үүрэг, хариуцлагаа ухамсарлан ажиллана" гэлээ.

Товч намтар 

Овог, нэр: Хурц овогт Лувсаннамсрайн Оюун-Эрдэнэ

Төрсөн он, сар, өдөр: 1980.06.29

Гэр бүл: Ам бүл 5. Эхнэр, хүүхдүүдийн хамт амьдардаг

Боловсрол:

  • 1998 онд Хэнтий аймгийн Бэрх хотын Ерөнхий боловсролын сургууль
  • 2001 онд Бэрс дээд сургууль. Сэтгүүлч
  • 2008 онд МУИС-ийн Хууль зүйн сургууль. Эрх зүйч
  • 2015 онд Харвардын их сургууль. Төрийн удирдлагын магистр

Ажлын туршлага:

  • 2001 онд Хэнтий аймгийн Бэрх хотын захирагчийн албанд Тамгын газрын дарга
  • 2002 онд “Дэлхийн Зөн Монгол” олон улсын байгууллагын Хэнтий салбарын захирал
  • 2006 онд “Дэлхийн Зөн Монгол” олон улсын байгууллагын Бүс хариуцсан захирал
  • 2008 онд Нийслэлийн Баянзүрх дүүрэгт Нийгмийн хөгжлийн хэлтсийн дарга
  • 2009 онд МАН-ын Удирдах Зөвлөлийн Хэрэг эрхлэх газрын дарга
  • 2010-2014 онд НАМЗХ-ны Ерөнхийлөгч
  • 2011 онд МАН-ын Нарийн бичгийн дарга
  • 2012 онд МАН-ын Ерөнхий нарийн бичгийн даргын үүрэг гүйцэтгэгч
  • 2016 оноос Монгол Улсын Их Хурлын гишүүн
  • 2019 оноос Монгол Улсын сайд, Засгийн газрын Хэрэг эрхлэх газрын дарга
  • 2020 оноос Монгол Улсын Их Хурлын гишүүн

 

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (103.212.116.117)  2021 оны 01 сарын 28

зөв сонголт хийсэн байна одоо үед хэл устай дэлхийн хэмжээнд харьцах хүн л хэрэгтэй дээ одоо газрын баялагаараа амьдрах цаг болсон ийм үед хэл устай толгойтой хүн л хэрэгтэй дээ

0  |  0
Хэнчбиш (203.91.115.48)  2021 оны 01 сарын 27

Эх орны үйлдвэриийн хадаг олдсонгүй юу?

0  |  0
Дэмий дэмий (64.119.25.102)  2021 оны 01 сарын 27

Дэмий хүн тавьжээ гэж бодож байна. Оюун-Эрдэнэ улсын Ерөнхий сайд хийх хэмжээнд хүрээгүй. Хятадын Ли Кэчян, Оросын Михиал Мишустинтай харьцуулдаа та нар Оюун-Эрдэнийг. Арай л жул. Улстөржиж, нутгархаж улсараа тоглох гэж энэ.

0  |  1
иргэн  (202.179.26.88)  2021 оны 01 сарын 27

өө Хөөрхий явжчих шахаж дээ, уг нь бол Нас ахиж яваа Эрчүүдэд байдаг л өвчин л дөө,

0  |  0
Баатаржав (202.9.40.224)  2021 оны 01 сарын 27

Жаахан тэссэн бол зүгээр байсан юм. Уул нь ердийн хүнд байдаг л онош байна даа

0  |  0
Top