Монгол, Америкийн стратегийн түншлэлийг нотлов

Э.Мөнхжин | Zindaa.mn
2021 оны 03 сарын 16

Гадаад харилцааны яамны Төрийн нарийн бичгийн дарга Н.Анхбаяр АНУ-ын Төрийн департаментын зөвлөх Дерек Шоллэтэй өнөөдөр /2021.03.16/  утсаар ярьсан байна.

Талууд Монгол, Америкийн харилцаа, хамтын ажиллагаа Стратегийн түншлэлийн үзэл санааны дагуу идэвхтэй өрнөж буйд сэтгэл ханамжтай байгаагаа илэрхийлж, энэхүү ойр дотно харилцаагаа бататган бэхжүүлэхийн төлөө байгаагаа харилцан нотлов. Улмаар 2020 онд болсон ГХЯ-д хоорондын Зөвлөлдөх уулзалтын үеэр ярилцаж тохиролцсон арга хэмжээнүүд амжилттай хэрэгжиж байгааг тэмдэглэж, цар тахлын нөхцөл байдал сайжирмагц төлөвлөсөн айлчлал, уулзалт, арга хэмжээнүүдийг идэвхтэй явуулахаар ярилцлаа.

Төрийн нарийн бичгийн дарга Н.Анхбаяр цар цахлын эсрэг манай улсын хүч чармайлтад АНУ дэмжлэг туслалцаа үзүүлж ирсэнд талархах ялдамд Засгийн газар иргэдээ вакцинжуулах аяныг түргэсгэж буй, мөн ойрын хугацаанд КОВАКС хөтөлбөрийн шугамаар “Файзер” вакциныг хүлээн авах гэж байгааг мэдээлж, цаашид ч хамтран ажиллах сонирхолтойгоо илэрхийлэв.

Мөн тэрбээр хоёр орны хоорондын эдийн засгийн хамтын ажиллагааг өргөжүүлэх, ялангуяа худалдаа, хөрөнгө оруулалтыг нэмэгдүүлэхийн чухлыг тэмдэглэлээ гэж ГХЯ-наас мэдээллээ.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin (73.111.180.213)  2021 оны 03 сарын 16

ta nar boliochee ene zaluu mash ondor bolovsroltoi mundag xuu bauna lee

0  |  0
zochin (124.158.120.154)  2021 оны 03 сарын 16

CHI UURUU BAS L LUIVARCHIN SH DEE

0  |  0
luibarchin (66.181.180.111)  2021 оны 03 сарын 16

muu aaviinhaa tataas garch irsen novsh dee.odoo hvrtel ter amerikd sursan tolvoroo toloogui bgaa hvn dee.ug ni bol tolvoroo toloogui hen ch tord ajillaj bolohgui ch dee..

0  |  0
Top