Л.Оюун-Эрдэнэ: Оюутолгойн талаарх миний байр суурь өөрчлөгдөөгүй
Монгол Улсын Ерөнхий сайд Л.Оюун-Эрдэнэ Рио Тинто компанийн гүйцэтгэх захирал Якоб Стаусхолмтой өнөөдөр (202103.18) цахим уулзалт хийлээ.
Цахим уулзалтын үеэр Ерөнхий сайд Л.Оюун-Эрдэнэ “Оюутолгой” төсөлтэй холбогдуулж Засгийн газраас байгуулсан Ажлын хэсгийг ахалж байх хугацаандаа баримталж байсан бодлого, байр суурь огт өөрчлөгдөөгүй болохыг илэрхийлэв.
Тодруулбал, Ерөнхий сайд Л.Оюун-Эрдэнэ Засгийн газрын хэрэг эрхлэх газрын дарга байхдаа 2021 оны нэгдүгээр сарын 4-ний өдөр Рио Тинто компанийн гүйцэтгэх захирал Якоб Стаусхолмд явуулж байсан албан бичигт дурдсан асуудлуудыг Рио Тинто компани цаг алдалгүй анхаарч, “Оюутолгой” төслийг Монгол Улсад үр ашигтай болгоход яриа хэлэлцээг чиглүүлэх шаардлагатайг онцоллоо.
Түүнчлэн, Ерөнхий сайд Л.Оюун-Эрдэнэ Засгийн газрын Ажлын хэсгийг ахалж буй Хууль зүй, дотоод хэргийн сайд Х.Нямбаатар болон Рио Тинто компанийн Зэсийн группийн захирал Б.Болд нар яриа хэлэлцээг үргэлжлүүлж, бодит үр дүнд хүрнэ гэдэгт найдаж буйгаа илэрхийлж, амжилт хүслээ.
.jpg)
.jpg)
Рио Тинтогийн гүйцэтгэх захирал Якоб Стаусхолм дөнгөж томилогдоод удаагүй байхдаа буюу 2020 оны арванхоёрдугаар сарын 18-ны өдөр тухайн үед Засгийн газрын Хэрэг эрхлэх газрын даргаар ажиллаж байсан Ерөнхий сайд Л.Оюун-Эрдэнэтэй анхны цахим уулзалт хийж байсан билээ. Өнөөдрийн уулзалтын үеэр тэрбээр "Оюутолгой" төслийн хамтын ажиллагааны шинэ хуудас эхэлж байгааг онцлон тэмдэглэсэн бөгөөд энэхүү төслийг Монгол Улсад илүү үр ашигтай хэрэгжүүлэхэд анхаарч ажиллахаа мөн илэрхийллээ.
Өнөөдрийн цахим уулзалтад Монгол Улсын Засгийн газрыг төлөөлж Ерөнхий сайд Л.Оюун-Эрдэнэ, Хууль зүй, дотоод хэргийн сайд Х.Нямбаатар, Засгийн газрын Хэрэг эрхлэх газрын Тэргүүн дэд дарга Б.Ганбат, дэд дарга Б.Солонгоо, Ерөнхий сайдын Эдийн засгийн бодлогын зөвлөх Э.Болормаа нар оролцсон бол Рио Тинто компанийг төлөөлж гүйцэтгэх захирал Якоб Стаусхолм, Рио Тинто компанийн Зэсийн группийн захирал Б.Болд, Бизнес хөгжил эрхэлсэн захирал С.Мөнхсүх, Рио Тинто Монголиа ХХК-ийн дэд захирал Х.Амаржаргал нар оролцов.
Холбоотой мэдээ
Сэтгэгдэл ( 2 )
Оюун-Эрдэнийн байр суурл гэ поподсон попдоогүй үМонголын төр,засгийн үе үеийн тэргүүнүүд ямар муу муухай байлаа ч ”Оюу толгой” төсөлийг монголд ашигтай байлгах байр суурин дээр ямагт зогсож ирсээн. Хэрэгжүүлэх арга зам дээрээ алдсан,оносон юм бий байх. Тэр нь уул уурхайн маш том мего төсөл дээр ажиллаж үзээгүй, туршлагагүйн дээр ойр зуурханы ганзгын наймааны сэтгэлгээгээр ойрын ашиг харсан зарим нэгэн нөхдийн балагаар алдаж оносон юм байхыг үгүйсгэй ээ. Оюун-Эрдэнэ бусдаас илүү эх оронч тулдаа хэлээд байгаа юм огтоос биш.
Дэлхий дээр уул уурхайн төслийг хэрэгжүүлэхэд ”Хөрөнгө оруулалтын гэрээ”, ”Хувьцаа эзэмшигчдийн гэрээ” гэсэн гэрээ байгуулдаг улс орон XXI зуунд Монголоос өөр байхгүй юм. Иймээс Оюутолгой төслийг цаашид үргэлжлүүлэх хамгийн зөв хувилбар нь ”Хөрөнгө оруулалтын гэрээ”, ”Хувьцаа эзэмшигчдийн гэрээ”-г бүрмөсөн цуцлаад,орчин үед дэлхий дахинд түгээмэл хэрэглэж байгаа орчин үеийн ”Концессын гэрээ”, орчин үеийн ””Лицензийн гэрээ, ”Бүтээгдэхүүн хуваах гэрээ”, ”Үйлчилгээ үзүүлэх гэрээ” гэсэн дөрвөн төрлийн гэрээний аль нэгийг сонгож шинээр байгуулахаас өөр зам үгүй юм.