Ерөнхийлөгч Х.Баттулга ОХУ-ын Ерөнхийлөгч В.В.Путинтай утсаар ярилаа
Монгол Улсын Ерөнхийлөгч Халтмаагийн Баттулга өнөөдөр (2021.04.02) ОХУ-ын Ерөнхийлөгч В.В.Путинтай утсаар ярьж, цаг үеийн болон хоёр орны харилцааны зарим асуудлаар санал солилцлоо.
Төрийн тэргүүн нар 2021 онд тэмдэглэн өнгөрүүлж буй Монгол Улс, ОХУ-ын хооронд дипломат харилцаа тогтоосны 100 жилийн ойн мэндийг харилцан дэвшүүлж, ойн хүрээнд хоёр тал олон арга хэмжээг хамтран хэрэгжүүлж эхлээд байгааг сайшаав.
ОХУ-ын Ерөнхийлөгч В.В.Путин хоёр орны хамтарсан сансрын нислэгийн 40 жилийн ой тохиож байгааг тэмдэглээд, ойн хүрээнд сансрын нисгэгч Ж.Гүррагчааг ОХУ-ын төрийн дээд шагнал “Александр Невскийн одон”-гоор шагнасан гэдгээ хэллээ.
Талууд уламжлалт найрсаг харилцаатай хоёр орны хамтын ажиллагааг бүх түвшинд өргөжүүлэн хөгжүүлэхэд санал нэгдэж, дипломат харилцаа тогтоосны 100 жилийн ойн тухай хоёр улсын төрийн тэргүүн нарын хамтарсан тунхаглалыг ойрын үед гаргахаар тохиролцлоо.
Монгол Улсын Ерөнхийлөгч Халтмаагийн Баттулга ОХУ-ын эрдэмтэд коронавируст цар тахлын халдварын эсрэг вакциныг амжилттай хөгжүүлж, хэрэглээнд нэвтрүүлсэнд баяр хүргэв.
ОХУ-ын Ерөнхийлөгч В.В.Путин Монгол Улсад вакцин нийлүүлэх асуудлаар Монгол Улсын Ерөнхийлөгчөөс 2021 оны хоёрдугаар сарын 11-ний өдөр илгээсэн захидлыг хүлээн авсан гэдгээ хэлэв. Мөн Монгол Улсын Ерөнхийлөгч болон Монголын талаас ирүүлсэн бүх хүсэлтийн хүрээнд Монгол Улсын Эрүүл мэндийн яам болон хувийн хэвшлийнхэнтэй вакцин нийлүүлэх гэрээ байгуулж байгаа гэв.
Монгол Улсын Ерөнхийлөгч Халтмаагийн Баттулга вакцинтай холбоотой Монгол Улсын Засгийн газрын хүсэлтэд дэмжлэг үзүүлж буйд талархал илэрхийлж, “Sputnik V” вакцины нийлүүлэлтийг түргэвчлэхэд анхаарал хандуулж ажиллахыг хүслээ.
ОХУ-ын Ерөнхийлөгч В.В.Путин хоёр орны түүхэн харилцааны онцгой ач холбогдлыг харгалзан үзэж, Монгол Улсад тэргүүн ээлжинд вакцин нийлүүлэхэд анхаарал хандуулж ажиллана гэлээ.
Түүнчлэн Монгол Улсын Ерөнхийлөгчийн ОХУ-ын талд тавьсан “Sputnik V” вакциныг Монгол Улсад үйлдвэрлэх санал, түүнийг хэрэгжүүлэх боломжуудын талаар талууд санал солилцлоо. ОХУ-ын Ерөнхийлөгч В.В.Путин Монгол Улсын Ерөнхийлөгчийн саналыг дэмжиж, вакцин үйлдвэрлэх боломжийг судлах Ажлын хэсэг гаргахаар болов.
ОХУ-ын Ерөнхийлөгч В.В.Путин Монгол Улсын Ерөнхийлөгчтэй ойрын үед биечлэн уулзах боломж бүрдэнэ гэдэгт итгэлтэй байгаагаа илэрхийллээ.
Холбоотой мэдээ
Сэтгэгдэл ( 6 )
Mongoliin erunkhiilugch aragyil.Mongoloo gesen khyn uym daa.yrdakh erunkhiilugchid iim chadal baigaagyi shyy.Mongoldoo vakzenii yildvertei bolchikhovol myndagaa.Delkhiin agaar mandal mash ikh uurchilugduj baigaa khoishdiin kheden 100 jild munch tom asyydaliig shiidekhne dee.Mongoliikhoo iuredyi tuluu tsytegsen bygediig.Khyatadiin gar khuluud eldev uym bichej khytsaldakhaa bolioroi.Baabar myy yrvagch lalar mini chi.Mongoliin tyykhend kharaar bichegdsen khynii neg shyy.
утсаар ярихад орчуулагч яаж ажиллах вэ Женко орос авгайг холыг бодож л авсан байх учиртай хэр зэрэг ойлгодог ярьдаг бол Орос авгай монголд төрсөн учир оросоор яриад ойлгохгүй бол бариад чиглүүлчих учир орос хэл муухан сурсан байх магадлалтай.Путин хэцүү хүн давхар чагнасан орчуулагчтай байсан биз.Манай хүн ч яахав гудиггүй төгсгөлгүй хэдэн үг холбоод л
утсаар ярихад орчуулагч яаж ажиллах вэ Женко орос авгайг холыг бодож л авсан байх учиртай хэр зэрэг ойлгодог ярьдаг бол Орос авгай монголд төрсөн учир оросоор яриад ойлгохгүй бол бариад чиглүүлчих учир орос хэл муухан сурсан байх магадлалтай.Путин хэцүү хүн давхар чагнасан орчуулагчтай байсан биз.Манай хүн ч яахав гудиггүй төгсгөлгүй хэдэн үг холбоод л
Tanaix tumur zamaa bariad duussan bizdee odoo manaix barij bolxuu l gej aij asuuj baigaa biz . Mgl oo dandaa dooshoo tatsan novsh .\n
Ерөнхийлөгч Баттулгад баярлалаа. Монголынхоо төлөө байдаг юм билээ.
okok