ХҮН-ын дарга Т.Доржханд хуурамч бичиг баримтаар УДШ-т бүртгүүлсэн гэв

Т.Давааням | Zindaa.mn
2021 оны 04 сарын 09

Хуурамч баримт бичиг үйлдэн УДШ-д бүртгүүлэх замаар “ХӨДӨЛМӨРИЙН ҮНДЭСНИЙ НАМ”-ын удирдлагыг авсан бүлэглэлийн талаар Хөдөлмөрийн үндэсний нам (ХҮН)-ын удирдлагыг хууль бусаар авсан Бадрахын Найдалаа, Тогмидын Доржханд нар хуурамч баримт бичиг бүрдүүлэн Улсын Дээд шүүхэд намын даргаар бүртгүүлсэн талаар ХҮН-ын төлөөлөл өнөөдөр /2021.04.09/ хэвлэлийн хурал хийлээ.

Тэд дараах баримтуудыг дэлгэв. 

Баримт 1:

ХҮН намын одоогийн удирдлагаар бүртгэгдээд буй Т. Доржханд, Б. Найдалаа, Д. Гантулга нар тус намын удирдлагыг хуурамч баримт бичиг үйлдэх замаар авч, Улсын Дээд шүүхийн Иргэний хэргийн танхимд бүртгүүлжээ.

Баримт 2:

ХҮН намын албан ёсны Төв хорооны гишүүд байсаар атал өөрсдөө дур мэдэн, намын дүрмийг зөрчин олон тооны Төв хорооны гишүүдийг зохиомлоор бүрдүүлэн 2017 оны 05 дугаар сарын 24-ний өдөр огт хийгдээгүй Төв хорооны Хурлыг хийсэн болгож Улсын Дээд шүүхэд хуурамч баримт материал бүрдүүлсэн өгч улс төрийн намын удирдлагыг авчээ.

Баримт 3:

Б. Найдалаа Улсын Дээд шүүхэд намын даргаар бүртгэгдэх үндэслэл болсон баримт бичгийг хуурамчаар үйлдсэн байгаа нь 2017 оны 05 дугаар сарын 24-ний өдөр ХҮН-ын Төв хорооны Хурлын төлөөлөгчдийн бүртгэлийн 21 дүгээрт Налайх дүүргийн намын хорооны дарга Амаржаргалын Диваачамбын гарын үсгийг хуурамчаар дууриалган зурсан байдлаар илчлэгдлээ. А. Диваачамба энэ тухай тайлбарыг өөрийн гараар бичиж өгсөн.

Баримт 4:

2016 оны 04 дүгээр сард Орхон аймгийн намын хорооны даргын албанаас чөлөөлөгдөж, УИХ-ын сонгуульд бие даан нэр дэвшихээр намын гишүүнээс татгалзсан байсан У. Амарзаяад өөрт нь ямар ч мэдээлэл өгөхгүйгээр Төв хорооны хурлын төлөөлөгчид оруулан бүртгэж УДШ-д баримт бүрдүүлэхдээ ашигласан нь илчлэгдлээ. У. Амарзаяа энэ тухай тайлбарыг өөрийн гараар бичиж өгсөн.

Баримт 5:

Тухайн хийгдээгүй Төв хорооны Хурлын ирцийг бүрдүүлэх зорилгоор Төв аймгийн намын хорооны дарга нь үүрэгт ажлаа хүлээлгэн өгөөгүй, тухайн аймгийн намын хороо даргаа өөрчлөх ямар нэгэн шийд гаргаагүй байхад хууль ёсны даргын оронд Ж. Төмөрхуяг гэх өөр аймгийн өөр хүнийг дарга хэмээн зааж, гарын үсэг зурсныг ирцэд оруулсан.

Баримт 6:

Намын төв хорооны тухайн үеийн бүрэлдэхүүн, гишүүд, 21 аймаг, 9 дүүргийн намын хороодын дарга нарт дээрх хурлын талаар огт сонсгож мэдэгдээгүй.

Баримт 7:

Намын дүрмийн 5.6 дахь хэсэгт заасны дагуу Намын төв хорооны хурлыг Намын дарга даргалах зохицуулалтыг зөрчсөн, намын хууль ёсны дарга С. Боргилд тус хурлын талаар ямар нэгэн мэдээлэл ирүүлээгүй буюу Намын төв хороо 2017 оны 05 дугаар сарын 24-ний өдөр хуралдаагүй.

Баримт 8:

Мөн тухайн өдрийн хуралд Т. Доржханд нь оролцоогүй, гадаад улсад зорчин явж байсан гэж яригддаг боловч түүний гарын үсэг тэр өдрийн огноотойгоор зурагдсан.

Баримт 9:

Б. Найдалаа нь Хан-Уул дүүргийн Иргэний хэргийн анхан шатны шүүхэд 2018 оны 07 дугаар сарын 03-ны өдөр намын 1116218993 тоот хяналтын дугаар бүхий тамганы дардас, 8082001019 тоот бүртгэлийн дугаар бүхий улсын бүртгэлийн гэрчилгээг гаргуулах нэхэмжлэлийг гаргасан. УДШ-д 2017 оны 05 дугаар сард бүртгүүлэхээр баримт бүрдүүлэн өгөхдөө, 1117243465 хяналтын дугаартай тамгыг ашигласан байна.

Баримт 10:

Улсын Дээд шүүх ийнхүү дүрмийн бус хурал, хууль зөрчиж бүрдүүлсэн баримтуудад үндэслэн Б. Найдалааг даргаар бүртгэн авсан тухай мэдээлэл шүүхийн цахим хуудаст 2017 оны 06 дугаар сарын 07-ны өдөр нийтлэгдсэнийг олж мэдээд, тухайн үеийн хүчин төгөлдөр бүртгэлтэй дарга С. Боргил Улсын Дээд шүүхэд хандан өргөдөл гаргаж, хууль бус үйл ажиллагааных нь талаар мэдээлэл өгсөн боловч өргөдөл дурдсан үндэслэлүүдийг нь бүрэн нягтлахгүйгээр Б. Найдалааг дээрх “...2017 оны 05 дугаар сарын 24-ний өдрийн Намын төв хорооны хурлын тогтоолууд, хуралдааны тэмдэглэл, гишүүдийн ирц зэрэг холбогдох бусад баримтыг үндэслэн” бүртгэсэн гэдэг хариуг өгсөн. Гэтэл ийнхүү бүртгэх үндэслэл болсон баримтыг хуурамчаар үйлдсэн байна.

Баримт 11:

Ийнхүү хууль бус аргаар намын удирдлагыг авсан байдлыг шалган тогтооход хүндрэлтэй байдлыг цаг хугацаа болон халдашгүй байдлын хувьд бий болгож, цэвэршүүлэн угааж буй мэтээр Б. Найдалаагаас намын даргын албан тушаал Т. Доржхандад шилжин, улмаар 2017 оны хууль бус бүртгэлд үндэслэсэн хоёр дахь удаагийн хууль бус бүртгэлийг 2021 оны 02 дугаар сарын 26-ны өдөр (Ардчилсан намын удирдлага, дүрэмтэй холбоотой хүсэлтүүдийг хэлэлцэж хүлээн авахаас татгалзаж шийдвэрлэсэн өдөр) хийлгэсэн нь мөн Улсын Дээд шүүхийн цахим хуудаст тавигджээ.

Баримт 12:

Т. Доржханд, Б. Найдалаа тэргүүтэй хүмүүсийн энэ бүх хууль бус үйл ажиллагаа нь ардчилалд аюулд учруулж, улс төрийн тогтолцоог бүхэлд нь гажуудуулах уршигтай, “Төрийн эрх мэдлийг хууль бусаар авах хуйвалдаан зохион байгуулах” гэмт хэргийн шинжтэй байж болзошгүй, хуурамч баримт бичиг үйлдэн ашигласан байдал нь мөн гэмт хэргийн шинжтэй гэж үзэх хангалттай үндэслэл, баримт тогтоогдсон зэрэг үндэслэлээр Энэ бүх хууль бус үйл ажиллагааг шалгуулахаар хууль хяналтын байгууллагад хандсан. Монгол Улсын нийгэм, төрийн байгууллын аюулгүй байдалд нэгэнт учирсан ноцтой, бодит аюул заналхийлэл болсон тул Үндэсний аюулгүй байдлын зөвлөл дээрх асуудлаар нэн даруй хуралдаж зөвлөлдөх, нөхцөл байдлыг үнэлж дүгнэх, хуульд заасан арга хэмжээг авч хэрэгжүүлэх шаардлага зүй ёсоор үүссэн гэж үзэж ҮАБЗ-д хандсан. Монгол Улсын Зэвсэгт хүчний ерөнхий командлагч, төрийн тэргүүн, Ерөнхийлөгчийн 2021 оны ээлжит сонгуульд ч мөн адил улс төрийн намын удирдлагыг хууль бус аргаар, хуурамч баримт бичиг үйлдэн ашиглах замаар олж авсан бүлэг этгээдүүд өрсөлдөгч нэр дэвшүүлэх нь төрийн тогтворгүй байдал, бослого, үймээн, эсэргүүцэл, мөргөлдөөн үүсгэх эрсдэлийг нөхцөлдүүлсэн аюул заналд олон нийт анхаарал, сэрэмжтэй байх шаардлагатай болсон байна.

БИДНИЙ ТАВИАД БУЙ ШААРДЛАГА:

Дээрх хууль бус үйлдлээс үүдэн гарах нийгэм, улс төрийн эрсдэл бүхий нөхцөл байдлыг нэн даруй судлан үзэж Үндэсний аюулгүй байдлын зөвлөлөөр хэлэлцүүлэх;

Хууль бус үйл ажиллагааг хууль хяналтын байгууллага хараат бусаар, хугацаа алдалгүй шалгаж иргэд, олон түмэнд бүрэн мэдээлэл өгөх;

Улсын Дээд шүүхэд хуурамч баримт бичиг ашиглан бүртгэл хийлгэсэн Б. Найдалаа, Т. Доржханд тэргүүтэй хүмүүсийн бүртгэлийг нэн даруй цуцлах;

Үндэсний аюулгүй байдлын тогтолцоо (УИХ, Ерөнхийлөгч, орон нутгийн өөрөө удирдах байгууллага)-нд хууль бус аргаар, хуурамч баримт бичиг үйлдэн ашиглах замаар нэвтрэн орох, нийгэм-төрийн байгууллын аюулгүй байдлыг бусниулах бодитой аюулаас урьдчилан сэргийлэх цогц арга хэмжээг авч хэрэгжүүлэх;

Хүний эрх, эрх чөлөө, ардчилал, хууль дээдлэх ёс, үндсэн хуульт ёсыг сахиулах баталгааг хангах, улс төрийн намын тухай хууль тогтоомжийг цаг алдалгүй шинэчлэх.

Сэтгэгдэл ( 11 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(64.119.18.201) 2021 оны 04 сарын 10

Т.Доржханд гэж эвгүй эр дээ юу ч хийж мэдэх нөхөр

0  |  0
ганболд(202.9.46.207) 2021 оны 04 сарын 10

төрийн түшээ өөдтэй юм сонгогдохоо больждээ. иймэрхүү нөхдүүдийг эргүүлэн татаж байх байранд нь очуулах хэрэгтэй.. энэ нам нэрээр төрийн залгамж чанар боловсон хүчний асуудал замараагүй намын томилгоо гэдэг нь хөгжил дэвшил сайн сайхныг үнэгүйдүүлээд байна. нам гэдэг одоо цагт хэнд юунд чухал хэрэгтэй заавал иймэрхүү байх юмуу. нийгмийн тогтолцоог\nбүрэн өөрчилмөөр байна даа.

0  |  0
ХҮН ий гишүүн(202.126.89.201) 2021 оны 04 сарын 10

Хаа газар мөнгөөр мэдэгдэл хийдэг гаж донтонгууд байдаг даа.

0  |  0
НСН(103.26.193.119) 2021 оны 04 сарын 09

Тэр долдойг дахин дахин амьтан хүн хуурч гай болхоос нь өмнө эргүүлэн татаарай!\n

0  |  0
Зочин(103.212.118.37) 2021 оны 04 сарын 09

Хэн итгэх юм. Сонгууль болгоны өмнө тавигдсан жүжиг яваад байдаг юм. Харах царайны но-той нөхөр

0  |  0
Хамдаа цөм хуурсан (103.57.95.123) 2021 оны 04 сарын 09

Бангалдеш хочит Доржханд нь угаасаа жижиг гарын БУЗАР луйварчин гэдгийг ойр хавийнх нь бүгд мэднэ. Их сургуулийн багшийнхаа охинтой сууж байгаад хүүхэдтэй болгож хяаад, Уламбаяр гэх туахин үедээ Монголын зартай баяны охины араас гүйж байгаад суусан юм аа тэр нь одоогийн эхнэр гэгдэх Сийлэн. Умбаг өвчтай хэвтэж байахд нь авгайгаа ятган Өмч өвийн маргаан эхлүүлж асар их ХЭРҮҮЛ ЗОДООНЫГ гэр бүлд дотор нь эхлүүлсэн хүн нь энэ ХАР ДОРЖХАНД юм. Тэгээд Хадмыгаа нас бармагц өмч хөрөнгөнд нь эзэн сууж ГУЙЛГАЧИН байсан Доржханд баяжиж хамаг хөрөнгийг нь сэм сэмхэн өөрийннэр дээр шилжүүлж авсан ЭВГҮЙ.

0  |  0
z(202.9.46.174) 2021 оны 04 сарын 10

тэр доржхандыг яаралтай эргүүлэн татах хэрэгтэй.

3  |  0
Zochin(202.126.89.169) 2021 оны 04 сарын 10

Залуусыг дэмжиж байна. Доржханд , Найдалаа тэргуутэй Манан гийн цөөвруудийг намаас зайлуул

4  |  0
Ганаа(66.181.161.115) 2021 оны 04 сарын 09

2 ДАРГА 2 ТАМГА БҮТЭХГҮЙ БОЛ ЭРДЭНЭ ВАНГААС ЗӨВЛӨГӨӨ АВААРАЙ

2  |  0
zochin(183.177.99.228) 2021 оны 04 сарын 10

наад эргүү Доржхандаа эргүүлээд тат

4  |  0
Top