Үндэсний үйлдвэрлэгч “TG SPORT” Монголын хөлбөмбөгийн шигшээ багуудын хувцсыг урлана

2021 оны 08 сарын 18

Монголын хөлбөмбөгийн холбоо /МХБХ/-ны Зөвлөлийн 2021 оны наймдугаар сарын 04-ний хурлаар Үндэсний шигшээ багийн хувцсыг “TG Sport” спорт хувцасны үйлдвэрээр хийлгэх шийдвэр гаргасан.

Уг шийдвэрийн дагуу МХБХ, "ТОД ГЯЛАЛЗ" ХХК-тай хоёр жилийн хугацаанд хамтран ажиллах гэрээ байгууллаа. Гэрээ байгуулах ёслолд МХБХ-ны Ерөнхийлөгч А.Ганбаатар, Тод Гялалз ХХК-ний захирал Б.Энхтөгөлдөр нар оролцож, гарын үсэг зурлаа.

Үндэсний үйлдвэрлэгч Монголын хөлбөмбөгийн шигшээ багуудын хувцсыг бүтээж байгаа нь түүхэн мөч гэдгийг хоёр тал онцолж байлаа. Хөлбөмбөг, Сагсанбөмбөг, Воллейболын дээд лигийн дийлэнх багууд, Олимпын шигшээ багууд хүртэл “TG Sport”-ыг сонгон үйлчлүүлснээр нь манай спорт сонирхогчид андахгүй биз ээ.

Манай эмэгтэйчүүдийн шигшээ баг ирэх есдүгээр сард Азийн АШТ-ий урьдчилсан шатанд өрсөлдөх бөгөөд уг тэмцээнээс "TG Sport"-ийн урласан өмсгөлөөр шигшээ багийн тамирчид ижилсэх болно.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
 (192.82.90.153)  2021 оны 08 сарын 18

odoo tegeed yamarch amjiltgui bairand ordoggui bag baih hereg baina uu?,10,20 jil bolloo yuuch baihgui,dor hayaj azin 3-t bichigddeg baih heregtei bainashde

0  |  0
Top