С.Энхболд: Нэмэлт тунгийн татан авалтыг ДОЛОО ХОНОГ БҮР хийж байна

Эрүүл мэндийн яамнаас өнөөдөр /2021.08.27/ 16:00 цагаас цаг үеийн асуудлаар олон нийтэд мэдээлэл өглөө. 

Энэ үеэр Эрүүл мэндийн сайд С.Энхболд "Сургууль, цэцэрлэг хоёр жил гаруйн хугацаанд цахимаар хичээллэсэн. Дээрээс нь сургуулийн хүүхдүүд таван өдөр танхим, есөн өдөр цахимаар хичээллэх шийдвэр гарсан. Халдварын тархалт есдүгээр сарын дундуур оргил үедээ ирнэ. Цар тахал хэзээ зогсох нь тодорхойгүй байна. Тиймээс халдвар хамгаалалтын дэглэмээ барьж, вакциныг нийт хүн амын 60 гаруй хувьд нь хийсэн. Энэ ч утгаараа танхим, цахимаар хичээллүүлэх шийдвэрийг гаргасан юм" хэмээн ярилаа. 

Түүнчлэн "Эмнэлзүйн шинж тэмдэг илэрсэн ангиас түүврийн аргаар шинжилгээ авна. Авсан сорьцоо дахин шинэчилнэ. Бид гаднын улс руу сорьцоо илгээдэг байсан. Одоо бол тоног төхөөрөмжийг нь оруулж ирсэн. Вакцины 36 удаагийн татан авалтыг хийсэн. Тэр хүчиндээ ард иргэдээ өндөр хувьтай вакцинд хамруулсан. Нэмэлт тунгийн татан авалтыг долоо хоног бүр хийж байна. Одоо бол 55-аас дээш насны 500 мянган хүнд хийхээр нөөцөө бэлдчихсэн байна.

Гурав дахь тунг сайн дурын үндсэн дээр хийнэ. Энэ бол тухайн хүний өөрийн шийдэх асуудал. Гэхдээ цар тахал гэдгийг ойлгох хэрэгтэй. Энэ цар тахлын эсрдэлээс сэргийлж байгаа хариу арга хэмжээний ганц зүйл нь вакцинжуулалт байгаа.

Вакцин тариулснаараа өвчин туслаа гэхэд хүндрэл, нас баралтаас сэргийлж байгаа. Тийм ч учраас улс орон, дэлхийн даяар вакцинжуулалтыг эрчимжүүлж байна" гэх мэдээллийг өглөө.