ХЗДХЯ-ны дэд сайдаар Б.Солонгоог томилжээ

Автор | Zindaa.mn
2021 оны 10 сарын 20

Засгийн газрын ээлжит хуралдаан өнөөдөр /2021.10.20/ болж байна.

Хуралдаанаар ХЗДХЯ-ны дэд сайд С.Баатаржавыг чөлөөлж, түүний оронд Б.Солонгоог томилсон байна. Б.Солонгоо нь ЗГХЭГ-ын дэд даргаар ажиллаж байсан бөгөөд түүний оронд Д.Батбаатарыг томилжээ. 

ХЗДХЯ-ны дэд сайдаар ажиллаж байсан С.Баатаржав нь Монгол Улсаас Унгар улсад суугаа Онц бөгөөд Бүрэн эрхт Элчин сайдаар томилогдож, өнгөрсөн долоо хоногт Ерөнхийлөгч У.Хүрэлсүхээс итгэмжлэхээ гардаж авсан юм.

Харин Д.Батбаатар нь Боловсрол, шинжлэх ухааны яамны Төрийн нарийн бичгийн даргаар ажиллаж байгаад ЗГХЭГ-ын дэд дарга болж байна. Түүний өмнөх албан тушаалд буюу Боловсрол, шинжлэх ухааны яамны Төрийн нарийн бичгийн даргаар Л.Цэдэвсүрэн томилогджээ. 


Засгийн газрын ээлжит хуралдаан үргэлжилж байна. Хуралдаанаар дараах асуудлыг хэлэлцэхээр төлөвлөжээ.
 

  • Коронавируст халдвар цар тахлын нөхцөл байдал, авч хэрэгжүүлж байгаа шуурхай хариу арга хэмжээ,
     
  • Авлигын эсрэг ажлын хэсгийн мэдээлэл,
     
  • Тавантолгой дулааны цахилгаан станц төслийн явц,
     
  • Их, дээд сургуулийг "Сургалт-эрдэм шинжилгээ-үйлдвэрлэлийн цогцолбор" болгон орон нутагт хөгжүүлэх тухай,
     
  • Импортын гол нэрийн хүнсний бүтээгдэхүүний хангамж нөөцийн талаар зэрэг 20 асуудал багтжээ. 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin(202.179.15.71) 2021 оны 10 сарын 21

huuchin ajil deeree iluu ih ajil amjuulah bsan uym shuu

0  |  0
Top