С:Энхболд: Гуравдугаар тундаа 50 хувь нь хамрагдвал шинэ жилээ тэмдэглэж болно

Засгийн газрын ээлжит хуралдаан өнөөдөр /2021.11.17/ боллоо. Хуралдаанаар хэлэлцсэн асуудлын талаар Эрүүл мэндийн сайд С.Энхболд мэдээлэл хийж байна. 

Тэрбээр "Нийт 9795 хүн хэвтэн эмчлүүлж байна. Үүний 2494 нь хүүхэд, 506 нь жирэмсэн эх эмчлүүлж байна. Оргил үедээ 22400 ор дэлгэж байсан бол долоо хоногтоо 5000-аар хэвтэн эмчлүүлэх иргэдийн тоо багасч байна.  Цар тахлын нөлөөгөөр нийт 1826 хүн нас барсан байна. Өвчлөлийн тоо буурч байгаа нэг шалтгаан бол вакцинжуулалттай холбоотой" гэсэн мэдээллийг өглөө. 

Харин шинэ жил тэмдэглэх үү гэсэн асуултад "арваннэгдүгээр сарын 1-нээс урлаг соёлын арга хэмжээг нээсэн. Гуравдугаар тун хийгээгүй хүмүүс түргэвчилсэн шинжилгээнд хамрагдаж, урлаг соёлын арга хэмжээ үзэхийг оролцохыг зөвшөөрсөн. Урлагийнхан гуравдугаар тундаа хамрагдаад эхэлсэн. Ерөнхий сайд төрийн албанаас бусад нь шинэ жил тэмдэглэж болно гэдэг уриалга гаргасан. Гэхдээ гуравдугаар тунг 50 хувьд хүргэх ёстой. Ингэж байж дараа дараагийн арга хэмжээнд шилжиж орох ёстой" гэсэн тайлбар өглөө. 

Мөн нийслэлийн хэмжээнд байгаа улмын тодотголтой төрөх эмнэлгүүдийг Эрүүл мэндийн сайдын эрхлэх асуудалд багтаах шийдвэр гаргасан байна.