“Их хотын секс” эргэн ирлээ буюу жүжигчид хэрхэн өөрчлөгдөв?

Энэ сарын 9-нд “Их хотын секс” цувралын шинэ ангиуд “And Just Like That...” нэрээр 20 жилийн дараа эргэн ирлээ. Шинэ цуврал 10 хэсэгтэй бөгөөд Кэрри Брэдшоу (Сара Жессика Паркер), Миранда Хоббс (Синтия Никсон), Шарлотта Йорк (Кристин Дэвис) нарын нөхөрлөл хэрхэн үргэлжилж байгаа гарна. Тэд хэдийнэ 50 нас гарсан эмэгтэйчүүд болсон ч жинхэнэ хайр дурлалаа хайсаар байгаа юм.

Харин шинэ ангид Саманта Жонс (Ким Кэттролл) тэдэнтэй цуг байхгүй. Тэрээр бусад жүжигчидтэйгээ муудалцсан, эрүүл мэнд тааруу гэх шалтгаанаар татгалзсан. Гэхдээ үзэгчид Самантагийн оронд маш хүчирхэг хар арьст эмэгтэй болон ази бүсгүйг харах болно.