АРХАНГАЙ: Гурван суманд хорио цээрийн дэглэм тогтоожээ

Архангай аймгийн хэмжээнд энэ сарын 18-ны өдрийн байдлаар 12 сумын 36 баг шүлхийн  голомттой байна.

Тариат, Өгийнуур, Хангай сумдад он гарснаас хойш буюу нэгдүгээр сарын 1-5-ны өдрүүдэд хорио цээрийн дэглэм шинээр тогтоожээ. Харин Булган суманд хязгаарлалтын дэглэм бууруулсан байна.

Сүүлийн 24 цагийн хугацаанд аймгийн хэмжээнд 10 мянга гаруй малыг вакцинжуулж, 268 өрхөд хамаарах хашаа, бэлчээрийг халдваргүйжүүлсэн аж.