АРХАНГАЙ: Хууль бусаар вакцин зарах гэсэн иргэдийг шалгаж байна

Архангай аймгийн хэмжээнд малын гоц халдварт шүлхий өвчин 13 суманд гараад байгаа бөгөөд өнөөдрийн байдлаар 814 мянга гаруй малыг вакцинжуулалтад хамруулаад байна.

Энэ талаар эх сурвалж ярихдаа "Шүлхийн вакцины нөөц улсын хэмжээнд тасраад байгаа. Холбогдох газраас 2.5 сая малд хүрэлцэх вакциныг тун удахгүй ОХУ-аас авчирна гэж мэдэгдсэн. Тэр вакцинаас тодорхой хувь нь Архангай аймагт нийлүүлэгдэнэ. Вакцин тасарсантай холбоотойгоор хууль бусаар вакцин зарах асуудал гарах болсон. Үүнтэй холбоотой иргэдийн зөрчлийг аймгийн цагдаагийн хэсэг, тагнуулын хэлтэстэй хамтран илрүүлэн шалгаж байна" гэлээ.