Засгийн газрын ээлжит хуралдаан үргэлжилж байна

Долоо хоногийн лхагва гараг бүрт Засгийн газрын ээлжит хуралдаан болдог. Энэ дагуу өнөөдрийн /2022.10.05/ Засгийн газрын ээлжит хуралдаан 08:00 цагт Төрийн ордонд эхэлсэн. Хуралдаанаар цаг үеийн 23 асуудлыг хэлэлцэн шийдвэрлэхээр төлөвлөөд байгаа аж. 

Тухайлбал, Гадаад валютын улсын нөөцийг нэмэгдүүлэх чиглэлээр авах арга хэмжээний тухай Засгийн газрын тогтоолын төсөл, Хууль тогтоомжийг боловсронгуй болгох үндсэн чиглэлийн хэрэгжилтийн явцын талаар, Монгол Улсын стандартын өнөөгийн нөхцөл байдлын талаар, Засгийн газрын гадаад зээл, тусламжийн хөрөнгөөр хэрэгжиж байгаа төсөл, арга хэмжээний хэрэгжилтийн талаар зэрэг 23 асуудал хэлэлцэх болон танилцахаар төлөвлөжээ. 

Хуралдаанаас гаргасан шийдвэрийг эргэн мэдээлэх болно.