Хятадад үйлдвэрт гал гарч, 38 хүн амиа алджээ

Хятадын Хэнань мужийн Аньян хотод үйлдвэрт гал гарч, хамгийн багадаа 38 хүн амиа алджээ.

Хятадын хэвлэлүүдэд мэдээлж буйгаар түймэр даваа гарагийн орой “Kaixinda Trading Co., Ltd” компанийн үйлдвэрт гарсан байна.

Галыг унтраахаар 63 техникийн нэгж, 240 гаруй гал сөнөөгч ажиллажээ. Өнөө өглөөний байдлаар галыг унтраасан бөгөөд аврагч нар түймэрт автсан барилгад эрэн хайх, аврах ажиллагааг үргэлжлүүлж байгаа аж.

Галын шалтгааныг одоогоор мэдээлээгүй байна.