“Монгол Улсын байгаль орчинд ээлтэй уул уурхай” төсөл хэрэгжинэ

Монгол Улс, Холбооны Бүгд Найрамдах Герман Улсын Засгийн газар хоорондын хэлэлцээрийн дагуу Холбооны улсын Гео шинжлэх ухаан, байгалийн нөөцийн хүрээлэнтэй хамтран 2,5 сая еврогийн санхүүжилттэй “Монгол Улсын байгаль орчинд ээлтэй уул уурхай” төслийг 2023 оны дөрөвдүгээр сараас эхлэн хэрэгжүүлэхээр талууд гэрээ байгууллаа.

Төслийн хүрээнд байгаль орчинд ээлтэй уул уурхайн салбарыг хөгжүүлэхэд шаардлагатай хүний нөөцийн чадавхыг бэхжүүлэх, хууль бус үйл ажиллагааны улмаас эвдэрч орхигдсон 1000 га газарт нөхөн сэргээлт хийхээс гадна байгаль орчны мэдээллийн санд хөгжүүлэлт хийх ажлууд тусгагдсан байна.

Эх сурвалж: БОАЖЯ