Япон улсын газар, дэд бүтэц, зам тээвэр, аялал жуулчлалын яамтай хамтран ажиллана

2023 оны 01 сарын 31

Япон улсын газар, дэд бүтэц, зам тээвэр, аялал жуулчлалын яамтай хамтран ажиллана.

Монгол Улсын Засгийн газраас 2023, 2024, 2025 оныг “Монголд зочлох жил” болгон зарласантай холбогдуулан гадаадын жуулчдыг татах, жуулчдын тоог нэмэгдүүлэх ажлын хүрээнд Байгаль орчин, аялал жуулчлалын сайдын зөвлөх О.Одбаяр, Аялал жуулчлалын бодлого зохицуулалтын газрын мэргэжилтэн П.Баярцэцэг, Токио дахь Элчин сайдын яамны Эдийн засгийн асуудал хариуцсан зөвлөх Ө.Мөнхбат нар Япон Улсын Газар, дэд бүтэц, зам тээвэр, аялал жуулчлалын яамны Японы аялал жуулчлалын агентлагийн захирал Широтори Цүнашигэ, Японы Үндэсний аялал жуулчлалын байгууллагын захирал Ёшинори Хашимото, гүйцэтгэх захирал Масаки Ойта, Зүүн Ази хариуцсан менежер Рёожи Асо болон Японы Олон улсын хамтын ажиллагааны байгууллага (JICA)-ын Эдийн засгийн хөгжлийн газрын мэргэжилтэн Осүми Мааса нартай 2023 оны нэгдүгээр сарын 31-ний өдөр Токио дахь Газар, дэд бүтэц, зам тээвэр, аялал жуулчлалын яаманд албан уулзалт хийлээ.

Уулзалтын үр дүнд:  Монгол орны зах зээлд япон жуулчдад нийцсэн аяллын шинэ бүтээгдэхүүн үйлчилгээг бий болгох, Японы стандарт үйлчилгээг бий болгох, Монгол-Японы аялал жуулчлалын бизнес форумыг хамтран зохион байгуулах, Монголын аялал жуулчлалын улирлыг уртасгаж өвлийн аялал жуулчлалыг хөгжүүлэх, япон жуулчдын тоог нэмэгдүүлэх, аялал жуулчлалын дэд бүтцийн асуудлаар санал солилцлоо.

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Нараа(59.153.115.77) 2023 оны 01 сарын 31

модон жорлонгоо эхлээд солиорой доо, хүн урьхад ичмээр шүү

0  |  0
Иргэн(103.26.194.106) 2023 оны 01 сарын 31

Энэ түгжхэл утаа 2 хэнтэй ч нөхцөөд нэмэргүй бгаашд

0  |  0
Top