ОСКАР 2023 | Хөл хүнд Рианна улаан хивсний ёслолд хүрэлцэн ирэв

Дуучин Рианна 95 дахь удаагийн Оскарын шагнал гардуулах ёслолд хүрэлцэн ирлээ. Хөл хүнд болсноо Super Bowl хагас цагийн шоуны үеэр дэлхий даяар зарласан тэрээр "Alaïa" арьсан хувцасны брэндийн даашинзаар гоёжээ. 

Рианна "Black Panther: Wakanda Forever" киноны "Lift Me Up" дуугаараа "Шилдэг дуу" номинацид нэр дэвшээд байгаа билээ. Оскарт анх удаагаа нэр дэвшиж байгаа тэрээр энэ үдэш үзүүлбэр үзүүлнэ. 

Бүх цаг үеийн хамгийн загварлаг хөл хүнд бүсгүйгээр тодроод байсан тэрээр энэ удаад ч мөн загварлаг нэгэн гэдгээ батлан харуулаад байна.