Монголд нэвтрэх гэсэн хууль бус ажилчдыг саатуулжээ

ОХУ-ын Уулын Алтайн БНУ-ын Ташаант боомтын хилчид ОХУ-аас Монголд нэвтрэх гэсэн дөрвөн гадаадын иргэнийг саатуулжээ.

Тэд төв Азийн нэгэн СТАН улсын иргэн байсан бөгөөд ОХУ-д оршин суух визний хугацаагаа хэтрүүлсэн байсан бөгөөд энэ үедээ Монголд нэвтрэх гэж оролдсон байна.

Алтайн Манжерок тосгонд барилга дээр ажиллаж байсан барилгачид ажээ. Монголд ирж ажил хийх гэж байсан уу, эсвэл Монголоос ОХУ-ын виза аваад эргэн орох гэж байсан уу гэдэг нь тодорхойгүй.

Кош-Агаш аймгийн шүүхээс тэдэнд захиргааны арга хэмжээ авч, торгууль оноон, эх оронд нь албадан буцаах шийдвэр гаргасан байна.