Ерөнхийлөгч У.Хүрэлсүх III Чарльзийг хаан сэнтийд залах төрийн ёслолд оролцоно

Автор | Zindaa.mn
2023 оны 05 сарын 06

Монгол Улсын Ерөнхийлөгч Ухнаагийн Хүрэлсүх гэргий Лувсандоржийн Болорцэцэгийн хамт өнөөдөр /2023.05.06/ Лондон хотноо болох Их Британи, Умард Ирландын Нэгдсэн Хаант Улс /ИБУИНХУ/-ын Цог Жавхлант Хаан гуравдугаар Чарльзийг хаан сэнтийд залах төрийн ёслолд оролцоно.

Төрийн ёслолын үеэр Монгол Улсын Ерөнхийлөгч Цог Жавхлант Хаан гуравдугаар Чарльзтай уулзаж, Монголын ард түмний нэрийн өмнөөс Хааны гэр бүл болон Британийн ард түмэнд баяр хүргэнэ.

Цог Жавхлант Хааныг сэнтийд залах төрийн ёслолд гадаадын улс орны төр, засгийн 2000 гаруй төлөөлөгч оролцоно.

Монгол, Британийн хооронд дипломат харилцаа тогтоосны 60 жилийн ой энэ онд тохиож байна.

Монгол Улс Британи Улстай найрсаг харилцаа, хамтын ажиллагаатай бөгөөд Британи нь барууны орнуудаас хамгийн түрүүнд манай улстай дипломат харилцаа тогтоосон, ардчилал шинэчлэлтийн үйл явцыг эхнээс нь дэмжиж ирсэн улс юм.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Даваадорж (202.21.108.7)  2023 оны 05 сарын 06

Буруу зөрүү шаах вий дээ

0  |  0
mgl (49.105.90.39)  2023 оны 05 сарын 06

manai erunhiilgchiin ehner.n usiig zasaad uguh hun alga uu ⁉︎ buhel buten mgl uls.g tuluulj yavaj baij ymar uhree saah gej bga sailchin ehner bichdee mgl uls.n tuluulj baij buduuleg haragdaj bna mgl iin huduu iim us deeltei avgai unthug buland hedeer bol bna ymar 60ond umnu amdarj bgaa bich de oi gutav

0  |  1
Top