"Vandebo" хамтлагийн "Зуны зугаа" тоглолтын эргэн тойронд

"Vandebo" хамтлагийн удаан хүлээлгэсэн "Зуны зугаа" тоглолт өнгөрсөн бямба гарагт амжилттай зохион байгуулагдаж, нэгэн үдшийг сонсогчидтойгоо хамт доргиж өнгөрүүллээ. Хэсэг хугацаанд нам гүмхэн байсан хамтлагийн залуус шинэ уран бүтээлүүдээрээ сонсогчдодоо бэлэг барьсан нь олны талархлыг хүлээжээ. 

Тус хамтлагийн тоглолтод Z үеийнхэн түлхүү хүрэлцэн ирсэн. Тоглолт дууссаны дараа Цэнгэлдэх хүрээлэн болон ойр орчмын газруудад ил задгай хог хаягдал үлдсэн байсан ч зохион байгуулагчид яаралтай арга хэмжээ авч, эвдрэл гэмтэл гарсан хэсгүүдийг сэргээн засварлахаар болжээ. 

Зохион байгуулагчдын зүгээс тоглолт эхлэхээс өмнө хогоо ил задгай хаяхгүй байх, зориулалтын газруудад хаяхыг уриалсаар байсан ч аливаа хөгжмийн наадам, фестивалиудад байдаг нийтлэг үзэгдэл болох хогоо ил задгай хаядаг явдал энэ удаад ч мөн давтагдав. 

Үзэгчдийн хүсэн хүлээдэг "Triple X Hip Hop Music Festival" ирэх наймдугаар сарын 26-нд болно. Энэхүү наадамд соёлч боловсон оролцож, нэг нэгэндээ болон орчин тойрондоо хүндэтгэлтэй хандахыг уриалж байна. 

Ингээд "Зуны зугаа" тоглолтын зургуудаас сонирхуулъя.