Юү А Инийг нэмэлтээр 2 төрлийн мансууруулах бодис хэрэглэсэн гэж БУРУУТГАЖЭЭ

Зургаадугаар сарын 9-ний өдөр хэвлэл мэдээллийн хэрэгслүүдээр  жүжигчин Ю А Ин нийт 7 төрлийн хууль бус хар тамхи хэтрүүлэн хэрэглэсэн хэргээр шалгагдаж байгаа гэх мэдээлэл цацагдаж эхэлжээ. 

Жүжигчин Ю А Ин хэрэглэж байсан эмийн бэлдмэлд хоёр төрлийн сэтгэцэд нөлөөлөх бодис байжээ. Эдгээр бодисууд нь тайвшруулах үйлчилгээтэй мидазолам болон алпразолам хэмээх бодисууд байсан бөгөөд 5 төрлийн мансууруулах бодис хэрэглэсэн хэрэгт буруутгагдаж байсан тэрээр ийнхүү 7 төрлийн мансууруулах бодис хэрэглэсэн хэрэгт буруутгагдаж эхлээд байна. 

Энэ оны хоёрдугаар сард Ю А Ин цагдаагийн мөрдөн байцаалтын явцад дөрвөн төрлийн хар тамхи болох пропофол, каннабис, кокаин, кетамин хэрэглэсэн болох нь шинжилгээгээр тогтоогдсон.  Үүн дээр золпидемийг хэтрүүлэн хэрэглэсэн байж болзошгүй нөхцөл байдал тогтоогдсоноор Ю А Инийг 5 төрлийн хууль бус хар тамхи хэтрүүлэн хэрэглэсэн хэргээр шалгаж эхэлсэн билээ.

Мөрдөн байцаалтын хариуг өнөөдөр орой албан ёсоор мэдээлнэ хэмээн цагдаагийн байгууллагаас мэдээлжээ.