Ким Ү Бин, Сүзи нар хамтран дүр бүтээхээр болжээ

Өмнөд Солонгосын алдарт жүжигчин Ким Ү Бин болон Сүзи нар нэрт зохиолч Ким Ын Согын шинэ кинонд хамтран дүр бүтээхээр болжээ. 

Урьдчилсан байдлаар "Wishes Granted by Genie" хэмээн нэрлэгдээд буй уг киноны нэр цаашид өөрчлөгдөх магадлалтай ч жүжигчид өөрчлөгдөхгүй гэдгийг эх сурвалжууд баталжээ. Уг киног алдарт найруулагч И Бён Хон найруулахаар болжээ. 

Зохиолч Ким Ын Сог бидний сайн мэдэх "A Gentleman's Dignity", "Нууц цэцэрлэг", "Нарны үр сад", "Өв залгамжлагчид", "Guardian: The Lonely and Great God", and "The Glory" зэрэг олон киног найруулжээ. 

Удахгүй цацагдах романтик, инээдмийн төрлийн "Wishes Granted by Genie" кинонд "мөрөөдлийн" баг бүрдсэн гэхэд хилсдэхгүй. Адармаатай үйл явдлуудаар дүүрэн уг кино нийт 12 ангитай байх тухай эх сурвалжууд дурдсан байна. 

Жүжигчин Ким Ү Бин болон Сүзи нар 2016 онд "Uncontrollably Fond" хэмээх кинонд хамтран тоглож байсан. Тухайн үед тэдний гайхалтай хослол олны анхаарлыг татаж, үерхлийн тухай мэдээлэл цахим орчинд тархаж байжээ. Тухайн үед Ким Ү Бин одоогийн найз бүсгүй Шин Мин Атай үерхдэг байсан учраас энэхүү яриа ердөө цуу яриа хэвээр үлдэж, тэд өнөөг хүртэл сайн найзуудын хувиар нөхөрлөжээ.