Төрийн албаны зөвлөлийн даргаар Л.Цэдэвсүрэн томилогдлоо
Д.Үржинбадам
| Zindaa.mn
2024 оны 01 сарын 28
Төрийн албаны зөвлөлийн гишүүн С.Цэдэндамба, Б.Баатарзориг нарын бүрэн эрхийн хугацаа дуусаж, Л.Цэдэвсүрэн, Б.Пүрэвдагва нар 2024 оны нэгдүгээр сарын 23-ны өдөр Төрийн албаны зөвлөлийн гишүүнээр томилогдон ажлаа хүлээн авах үйл ажиллагаа Төрийн албаны зөвлөлийн “Инновац” танхимд болсон.
Тэгвэл энэ сарын 23-ны өдөр Төрийн албаны хуулийн 69 дүгээр зүйлийн 69.1-д заасны дагуу Төрийн албан зөвлөлийн гишүүд Л.Цэдэвсүрэнг Төрийн албаны зөвлөлийн даргаар томилж, тамга, тэмдгийг гардуулан өглөө.
ЛХАГВЫН ЦЭДЭВСҮРЭНГИЙН ТОВЧ НАМТАР:
- 1967 онд Говь-Алтай аймгийн Алтай хотод төрсөн, 56 настай.
- 1985 онд нийслэлийн 13 дугаар дунд сургууль төгссөн.
- 1994 онд Монгол Улсын Их сургуулийн Хууль зүйн сургуулийг төгссөн. Эрх зүйч мэргэжилтэй.
- 1985-1987 онд Хотын барилга засварын нэгдсэн трестэд ажилтан
- 1994-1996 онд Соёлын яамны Тамгын газарт сайдын туслах, хуулийн зөвлөх
- 1996-2000 онд Гэгээрлийн яамны Төрийн захиргааны газарт сайдын туслах, хуулийн зөвлөх
- 2000-2009 онд Боловсрол, соёл, шинжлэх ухааны яамны Төрийн захиргаа, хамтын ажиллагааны газарт хуулийн зөвлөх, мэргэжилтэн, хэлтсийн дарга, газрын дарга
- 2009-2014 онд Боловсрол, шинжлэх ухаан, спортын яамны Төрийн захиргааны удирдлагын газрын дарга
- 2014-2020 онд Боловсрол, соёл, шинжлэх ухаан, спортын яамны Төрийн захиргааны удирдлагын газрын дарга, Хуулийн хэлтсийн дарга, Төрийн нарийн бичгийн дарга
- 2020-2021 онд Боловсрол, шинжлэх ухааны сайд
- 2021 оны 02-10 дугаар сар хүртэл Монгол Улсын Ерөнхий сайдын зөвлөх
- 2021 оны 10 дугаар сараас хойш өнөөдрийг хүртэл Боловсрол, шинжлэх ухааны Төрийн нарийн бичгийн даргаар ажиллаж байв.
Холбоотой мэдээ
Copyright © 2010 - 2024 Zindaa.mn Developed by mCast LLC
Сэтгэгдэл ( 1 )
Tsaashid alba haah hugatsaand duusgavar boloh hurtlel tetgeveriig tsrartsaah, yadaj tetgeverees ni HHOATatvar avdag boloh zereg erh zyin zohitsuulalt heregtei boloh ni dee