Хуульч Ч.Өнөрбаяр 10-р тойрогт нэр дэвших мандатаа авлаа

УИХ-ын 2024 оны ээлжит сонгууль болоход сар гаруй хугацаа үлдлээ. Хуульд зааснаар улс төрийн нам, эвсэл өнгөрсөн хоногт нэр дэвшигчдээ тодруулсан. Энэ дагуу улс төрийн хоёр дахь хүчин гэгддэг АН-ынхан ч тойргийн 78, жагсаалтын 48 нэр дэвшигчээ олон нийтэд зарласан.

Тухайлбал, УИХ-ын 10-р тойрог буюу Чингэлтэй, Сүхбаатар дүүрэгт Хууль зүйн ухааны доктор /Ph.D/, АН-ын дэд дарга Ч.Өнөрбаяр болон И.Мөнхжаргал, Х.Болормаа, Д.Бадарсан, Ц.Баатархүү, О.Баасанхүү нар нэр дэвших мандатаа журмын нөхдөөсөө авлаа.

Хууль зүйн ухааны доктор /Ph.D/, АН-ын дэд даргаар ажиллаж байгаа Ч.Өнөрбаярын хувьд Их Британи Умард Ирландын Нэгдсэн Вант улсын Эдинбургийн Их сургуулийн Хууль зүйн сургуулийн магистрантурыг төгсч, дэд профессор, профессорын зэрэг хамгаалсан. Шихихутуг, МУИС-ийн Хууль зүйн дээд сургуульд багшийн ажлаас ажил хөдөлмөрийн гараагаа эхэлж, улмаар Төрийн алба руу шилжин ажилласан. Ингэхдээ Монгол Улсын бодлогыг зангидаж байдаг ҮАБЗ, Ерөнхийлөгчийн Тамгын газар, АТГ зэрэг анхаарал татсан байгууллагад томилогдон ажилласан залуу хуульч юм.