Шахмал түлшинд хордсон иргэн төрөөс хохирлоо нэхэмжилжээ

Шахмал түлш түлээд гурван настай охиноо алдаж, өөрөө гүн хордлогод орж, тархины эдгэшгүй эмгэгтэй болж хөдөлмөрийн чадвараа 69 хувь алдсан эх зургаан жил шүүх, цагдаагаар уйгагүй явсны эцэст төрөөс хохирлоо нэхэмжилж чаджээ.

Анх уг хэргийг дүүргийн прокурорын газар 2020 оны дөрөвдүгээр сарын 28-ны тогтоолоор гэмт хэргийн шинжгүй гэж хаасан байна. Мөн Засгийн газрыг хамжигчаар татсаныг ч хэрэгсэхгүй болгож, түлшээ зааврын дагуу түлж чадаагүй гэж иргэнийг буруутгаж байжээ.

Харин Улсын дээд шүүх уг маргааныг хэлэлцээд Тавантолгой түлш ХХК-ийг буруутайд тооцож, иргэний хохирлыг барагдуулах шийдвэр гаргажээ. Мөн амь нас эрүүл мэндээрээ хохирсон эхэд сар бүр 1.5 төгрөгийн тэтгэмж олгохоор болсон байна. Түүнчлэн, Нэхэмжлэгч түлшийг зааврын дагуу түлээгүй, эсвэл түүний ханан пийшин доголдолтой байсан гэх баримт тогтоогдоогүй тул хохирогчийг буруутай гэж үзэх үндэслэлгүй гэж үзсэн байна.