Хянах боломжгүй гээд түүхий нүүрсээ түлсээр байх уу

Нийслэлийн агаарын бохирдлыг бууруулах хү­рээнд салбар, салбараараа нэлээд ажил зохион байгуул­­жээ. Эдгээр ажлын үр дүнг үзэхэд тодорхой цаг хугацаа шаардлагатай нь ойл­гомж­той.

Түүнчлэн агаарын бохирд­­лыг бууруулах хяз­гаар­­­лалтын бүсэд үүрэг, хариуц­­лагын тогтолцоог хэрэг­жүүлэх боломжгүй гэдгийг холбогдох албаны­хан онцолж байна. Агаарын бохирд­лыг бууруулах хязгаар­­лалтын бүсийн бо­ловсруулсан түлш ху­дал­­даа­лах хэсэгт түүхий нүүрс худалдаалах, ашиг­лахыг хориглосон. Энэ та­лаар “Нийслэлийн агаарын чанарыг бууруулах хязгаарлалтын бүсэд иргэн, аж ахуйн нэгж, байгууллагын дагаж мөрдөх журам”-д

“4.1.1. Түүхий нүүрс түлэх болон агаар бохир­дуулах бусад хаягдал зүйлс, зориулалтын бус түлш, амьтны сэг, дугуй, нийлэг уут, ашигласан тос, масло, хог хаягдал түлэх, шатаах

4.1.5. Стандартын шаард­лага хангаагүй цахил­гаан халаах хэрэгсэл ашиглах

4.1.6. Хог хаягдлыг ил задгай шатаах;

4.1.7. Хязгаарлалтын бүсийн гэр хорооллын нэг /0,07 га хүртэл/ хашаанд гурван яндангаас илүү утаа гаргах эх үүсвэртэй байхыг хориглоно“ хэмээн заажээ.

Энэхүү журмын биелэлт, хэрэгжилтийг нийс­лэлийн Агаарын чанарын алба хариуцаж, хянах үүрэгтэй. Харин журмыг дагаж мөрдөөгүй иргэнийг хөдөл­мөрийн хөлсний доод хэмжээг 2-3 дахин нэмэгдүүлсэнтэй тэнцэх хэмжээний төг­рөгөөр, аж ахуйн нэгж, байгуул­лагыг хөдөлмөрийн хөлсний доод хэмжээг 4-5 дахин нэмэгдүүлсэнтэй тэнцэх хэмжээний төгрөгөөр торгоно” гэж заасан байна.

Журам хэр бодитой, хэрэг­жих боломжтой эсэх талаар нийслэлийн Үйлд­вэрлэл, экологийн асуу­дал хариуцсан орлогч Д.Пүрэв­даваагаас тодруулсан юм.

Тэрбээр “Цаасан дээр тог­тоосон хууль, дүрэм, журмыг хэрэгжүүлэх амаргүй. Аливаа зүйлийг бодит өнцгөөс харах хэрэгтэй. Тухайлбал, боловсруулсан түлш хэрэглэх ёстой хязгаарлалтын бүсийн оршин суугчдыг түүхий нүүрс түлж байгаа үгүйг хянах ямар ч боломжгүй. Бид айл бүрийн зуухыг шалгаад явахгүй шүү дээ. Тиймээс торгох, шийтгэх тогтолцоо хэрэгжинэ гэж бодохгүй байна” гэсэн юм.

Гэхдээ хариуцлага тооцож чадах­гүй ч түүхий нүүрс ху­далдан авах эрэлтийг багас­гах арга бий. Үүний тулд боловсруулсан түлшний үйлд­­­­­вэрлэлтийг дэмжиж, бор­­­­­луулалтыг нэмэгдүүлэх шаардлагатай хэмээн ал­ба­ны­хан үзжээ. Энэ нь байж болох арга боловч нийс­лэ­лийн гэр хорооллын айл, өрхийг боловсруулсан түл­шээр хангахад бас л хуга­цаа хэрэг­тэй. Тэгэхээр хязгаар­лал­тын бүсэд орсон, ороогүй түү­хий нүүрсээ түлсээр байх нь.

Эх сурвалж: "Өглөөний Сонин"