Зэсийн баяжмалын экспорт 2015 онд 1.5 сая тонн болно

Монгол орон зэсээр баялаг. Геологичид 1.2 тэрбум тонн цэвэр зэсийн нөөцтэй гэдэг. Одоогоор 36.3 сая тонн нөөц тогтоогдож Эрдэнэсийн санд бүртгэгдээд буй юм. Эдүгээ хайгуул хийсэн 11 орд, их хэмжээний нөөц байх магадлалтай 90 илрэл бий.

Орхон, Сэлэнгэ мөрний сав газрын урт 500, өргөн нь 150 км. Энэ нутгийг зэсийн хүдрийн хойд муж гэж нэрлэдэг. Тухайлбал Борц уул зэсийн нөөцтэй. Геологичид монгол орны Идэр, Эрдэнэт, Ханхөхийн нуруунд зэсийн худрийн булэг илэрц байгааг тогтоосон билээ. Хамгийн их судлагдсан нь Эрдэнэтийн худрийн зангилаа. Энэ нутагт зэсийн хүдэр баруун хойноос зүүн урагшаа чиглэн хуримтлагдсан ажээ. Монголын зүүн хилээс Дундговиор дайрч Говь-Алтайн Шаргын говийн хотгор хүртэлх 1000 км урт, 150-390 км өргөн нутгийг зэсийн хүдрийн төв муж хэмээн нэрлээд байгаа. Ирэх онд "Эрдэнэт" үйлдвэр 122, "Оюу толгой" 111 мянган тонн цэвэр зэс гарах баяжмал үйлдвэрлэх төсөөлөл байдаг. Харин 2014 оноос Цагаан суваргын зэсийн орд ашиглалтад орох төлөв бий. Тус ордоос эхний ээлжинд 50 мянган тонн цэвэр зэс гарах баяжмал үйлдвэрлэнэ. Ингээд манай улсын зэсийн баяжмалын экспорт 800 гаруй мянган тоннд хүрнэ гэдэг. Тэгээд 2015 оноос жилд 1.5 сая тонн зэсийн баяжмал дэлхийн зах зээлд нийлүүлэх тооцоо гараад байгаа юм.

 “Mining and Money” сэтгүүл