ӨНӨӨДӨР: Зөрчлийн хуульд нэмэлт өөрчлөлт оруулах зөвлөмжийг баталгаажуулна

09:30

• Оны шилдэг хүүхдүүдэд батламж гардуулах үйл ажиллагаа Төрийн ордны ёслол хүндэтгэлийн танхимд болно.

10:00

• Хэвлэл мэдээллийн байгууллага, салбарын мэргэжлийн байгууллагууд Зөрчлийн тухай хуульд нэмэлт, өөрчлөлт оруулах санал, зөвлөмжийг хэлэлцэн, Хууль зүй дотоод хэргийн сайд Ц.Нямдорж, ажлын хэсгүүдэд албан хүсэлт илгээхээр болсон юм. Саналын эхийг мэргэжлийн хуульчийн хамтаар хэлэлцсэн бөгөөд дахин боловсруулалт хийн, өнөөдөр нэр бүхий 15 байгууллага, холбоодын төлөөлөл гарын үзэг зурж, баталгаажуулах аж. Хэвлэлийн хүрээлэнгийн мэдээллийн төвд эл арга хэмжээ болно.
  

11:00

• Монголын баг тамирчид авто спортын “олимп” гэгддэг “Дакар ралли” уралдааны UTV ангилалд хурд сорих гэж буй талаар "Монгол ньюс" мэдээллийн төвд мэдээлэл хийнэ. Утас: 99117887, 89001717

13:00

• Монголын чөлөөт бөхийн дасгалжуулагч нарын өргөтгөсөн хурал МҮОХ-ны байранд болно. 2019 оны насанд хүрэгчдийн УАШТ-ий зохион байгуулалт, Иван Ярыгины нэрэмжит “Алтан Гранпри”-д оролцох эрэгтэй багийн бүрэлдэхүүнийг сонгох тухай тус хурлаар хэлэлцэнэ.
  

Төрийн ордонд

10:00

• УИХ дахь Монгол Ардын намын бүлгийн хуралдаан “Жанжин Д.Сүхбаатар” танхимд болно.
  
• УИХ дахь Ардчилсан намын бүлгийн хуралдаан “Их Эзэн Чингис хаан” танхимд болно
  

14:00

• Хөрөнгө оруулалтын банкны тухай хуулийн төсөл болон хамт өргөн мэдүүлсэн хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Эдийн засгийн байнгын хорооны ажлын хэсгийн хуралдаан  “Г” танхимд болно.
  
• Хэмжил зүйн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Эдийн засгийн байнгын хорооны ажлын дэд хэсгийн хуралдаан “В” танхимд товлогджээ.