2019 | 12 ордны ӨРНИЙН ЗУРХАЙ

Хонь

2019 он хониныхны хувьд маш олон сонирхолтой боломжоор дүүрэн байна. Янз бүрийн салбарт таныг амжилт ивээнэ. Хайр дурлал, бизнес, уран бүтээл...гээд л. Хүмүүс танд татагдаж, та үргэлж анхаарлын төвд байна. Таны эерэг хандлага, өөртөө итгэлтэй байдал эргэн тойронд гэрэл түгээнэ.

Үхэр

Энэ онд танд мөнгө хамгийн эхний ээлжинд тавигдана. Хоёр, гуравдугаарт ч мөн л мөнгө тавигдаж магадгүй. Ашиг орлоготой болохын тулд хүч, тэвчээр, зориг гарга. Ингэснээр таны хэтэвч дүүрч, хөрөнгө санхүүгээ маш сайн зохицуулж чадна. Түр зуурын тансаглалд толгойгоо мэдүүлэхээс болгоомжил. Хөрөнгөө хий дэмий зүйлд үрсэн байхыг хүсэхгүй байгаа биз дээ.

Ихэр

Та энэ онд цалгилсан их эрч хүчээр дүүрэн байна. Гэхдээ үүнийгээ зөвөөр ашиглахад зохион байгуулалтгүй байдал тань саад болно. Хоёр ч бус бүр олон туулай хөөж чадна. Гэхдээ энэ нь төлөвлөгөөгөө биелүүлэхэд саад болно. Зөв хүмүүстэй хамтран нэг л ажлын ард суух нь амжилт авчирна.

Мэлхий

Ойр дотны хүмүүстэйгээ харилцаа холбоогоо нягтруулахад ихэнх цагаа зарцуулна. Тэднийхээ тусламжтайгаар та энэ жил уулыг ч эргүүлж чадна. Хүмүүст илч дулаан түгээснээр аж амьдрал төдийгүй ажил дээрээ ч тав тухтай, хайр дүүрэн орчинг бий болгоно.

Арслан

Энэ онд та хаана амьдрал буцалж байна, тэр газарт бай. Үйл явдлын хамгийн гүнд нь ор. Ингэснээр танд амжилт ирнэ. Сөрөг сэтгэл хөдлөл гаргахаас зайлсхий. Найрсаг байх нь ашигтай гэдгийг урьд өмнөхөөсөө илүү ойлгоно. Шинэ танил, ашигтай санал, сонирхолтой хайр дурлал таныг хүлээж байна.

Охин

Амьдралаа сонирхолтой, амжилт дүүрэн болгох боломж гарч ирэх жил. Та үүнийг ашиглаж чадвал амьдрал шинэ өнгөөр гэрэлтэнэ. Хайртай хүндээ цаг гарга. Энэ онд хийсэн худалдан авалтууд танд гайхалтай сэтгэгдэл, үр дүн үлдээнэ.

Жинлүүр

Энэ жил од эрхэс танд шийдвэр гаргахдаа хурдан байхыг зөвлөж байна. Нөхцөл байдал маш хурдан өөрчлөгдөнө. Санхүүгийн асуудалд болгоомж илүүдэхгүй. Шинэ төсөлд оролцож, өөр ажил, үүрэг даалгавар хүлээж авна. Таны амьдралд чухал үүрэг гүйцэтгэх хүнтэй танилцана.  

Хилэнц

Энэ жил өрсөлдөгч нар таны замаас холдоно. Яагаад гэвэл тантай тэрсэлдэх нь тэднийг сайн зүйлд хүргэхгүй. Таны булгилсан их эрч хүч ямар ч зүйлийг даван туулахаар байна. Хүмүүс саад болох тусам эрч хүч тань нэмэгдэнэ. 2019 он маш сайхан жил байх болно.

Нум

2019 онд олон гэнэтийн бэлэг таныг хүлээж байна. Хамгийн гол нь гараа хумхиж суух хэрэггүй. Бүхий л салбарыг сонирхож, хийж болох бүх зүйлийг хийнэ. Энэ нь танд сайхан боломжууд авчрах болно. Сонирхолтой хүмүүстэй танилцаж, хамтран ажиллана. Нөхцөл байдлыг зөв ашиглаж амьдралаа шинэ түвшинд авчрах нь чухал.

Матар

Энэ жил та хэрэгтэй цагтаа, хэрэгтэй газраа, хэрэгтэй хүмүүстэй танилцана. Зөн мэдрэмжээрээ хэнтэй ойр байх, хэнээс хол явахаа сайн ялгаж салга. Амьдралаа мэдэгдэхүйц сайжруулж, карьераа ч өсгөж чадна. Хайраа олоогүй бол энэ жил танд сайхан боломж байна. Сэтгэлт хүндээ хэн болохоо харуулж, өөртөө татаж авахад таатай үе.

Хумх

Од эрхэс энэ жил танд олон сонирхолтой үйл явдал бэлджээ. Үүний тусламжтайгаар амьдрал гэрэлтэж, таны сайхан энерги бусад хүнийг татна. Эрэгтэй, эмэгтэй олон найзтай болно. Тэдний нэг нь танд хайраа илчилвэл бүү гайх. Техниктэй харьцахдаа болгоомжтой байхад илүүдэхгүй жил.

Загас

Зүүд зөнтэй байх жил. Зүүднийхээ тусламжтайгаар та олон чухал мэдээ хүлээн авна. Уран бүтээлийн онгод орж, гайхалтай зүйлүүд хийж бүтээнэ. 2019 онд та хөгжим, гүн ухаан, уран зохиол, уран зургийн салбарт маш том амжилт гаргах магадлалтай.

WWW.ZINDAA.MN