С.Чинзориг: МСҮТ-ийн суралцагчдад сар тутам 100 мянган төгрөгийн ТЭТГЭЛЭГ олгоно

Б.Амирдаа | Zindaa.mn
2019 оны 02 сарын 22

Хөдөлмөр, нийгмийн хамгааллын сайд С.Чинзориг  өчигдөр /2019.02.21/ мэргэжлийн боловсрол, сургалтын байгууллагуудаас төлөөлөл болгон Ражив Гандигийн нэрэмжит Үйлдвэрлэл урлалын политехник коллеж /ҮУПК/-ийн багш, оюутнуудтай уулзлаа. Уулзалтын үеэр коллежийн тулгамдаж буй асуудал болон багш, оюутнуудын саналыг сонссон юм. Засгийн газрын 2018 оны 24-р тогтоолоор багш, ажилтнуудын цалин үе шатлалттайгаар 16% нэмэгдэж, суралцагчдад нас харгалзахгүй тэтгэлэг олгох болсон гэх мэт элсэлтийн тоо, чанар сайжрах боломжийг бүрдүүлж өгсөнд талархал илэрхийлж, Үйлдвэрлэл урлалын полетехникийн коллежоос дараах саналуудыг гаргасан юм.

Уулзалтад оролцсон багш нараас ҮУПК-д ОХУ-аас суралцаж буй 10 оюутан тэтгэлэгт хамрагдах эсэх, Мэргэжлийн багш бэлтгэх тогтолцооны шинэчлэлийг хэрхэн төлөвлөж буй, 2,5 жилээр төгсөж буй оюутнуудын Ерөнхий эрдмийн хичээлийн улсын шалгалтыг Мэргэжлийн боловсролын үнэлгээний төвөөс авдаг нь БСШУЯ-нд баталгааждаг эсэх, түр сургалт явуулахаар эрх авсан 832 аж ахуйн нэгж байгууллагын зарим нь 1 жил сургаад диплом олгодог. Энэ нь зүйд хэр нийцэх зэрэг тулгамдаж буй асуудлуудыг хөндөж, мэргэжлийн боловсролын сургалтын төлөвлөгөөнд тусгагдсан хичээлүүдийн нэршлийг нийт МСҮТ, политехник коллежүүдийн хэмжээнд ижил болгох, техникийн боловсрол эзэмшээд төгсөж буй оюутнуудын судалсан багц цагийг дүйцүүлэн тооцуулах, Батлан Хамгаалах Яам, Хилийн цэргийн ажилтан, алба хаагчид, тэдний ар гэрийнхэнд мэргэжлийн чадамж эзэмшүүлэхэд орон нутгийн МБСБ дэмжлэг үзүүлэх талаар санал хүсэлт тавьсан юм. 

Тухайлбал, 

  • Мэргэжлийн боловсролын сургуульд суралцагчдад 100.000 төгрөгийн тэтгэлэг олгох болсон нь дэмжлэг болж, Мэргэжил боловсролын сургалтад элсэхийг сонирхогчдын тоо нэмэгдэх сайн талтай. ҮУПК-ийн хувьд элсэлтийн тоон үзүүлэлтийг нэмэгдүүлэхэд бус элсэгчдийг чанаржуулахад ихээхэн анхаарч ажиллаж байна. Иймээс элсэлтийг зохион байгуулахдаа хавтгайруулан элсүүлэх бус, тодорхой шаардлага босготойгоор  МБС-аар мэргэжил эзэмших чин хүсэл эрмэлзэлтэй, суурь хандлага төлөвшил сайтай элсэгчдийг элсүүлэх хэрэгтэй. Энэ талаар бусад МСҮТ, Политехник коллежууд ижил шаардлага тавьж ажиллавал салбарын үнэ цэнийг нийгэмд өсөх магадлалтай,
     
  • 2018 оноос ҮУПК нь Зэвсэгт хүчний жажин штабын харьяа анги нэгтгэл, Хилийн цэргийн 0101-р ангийн ахлагч, албан хаагчид болон тэдний ар гэрийн 70 гаруй хүнд 8 мэргэжлээр түр сургалтуудыг явуулж, мэргэжил эзэмшүүлсэн. Энэхүү үйл ажиллагаа, туршлагыг бусад орон нутгийн МСҮТ, Политехник коллежууд хэрэгжүүлэхэд анхаарах,
     
  • Оюутан цэрэг хөтөлбөрийг 2018 онд МСҮТ, политехник коллежуудаас анхлан тус сургууль хэрэгжүүлсэн. Оюутан цэрэг хөтөлбөрийг бусад МСҮТ политехник коллежид хэрэгжүүлж эхлэх,
     
  • Бүрэн дунд боловсролын агуулгыг 12 жил болгосонтой холбоотойгоор Мэргэжлийн боловсролын салбарын 2,5 жилийг 3 жил болгох, ерөнхий эрдмийн шалгалтыг энэ агуулгын хүрээгээр нь Боловсролын үнэлгээний төвтэй хамтран зохион байгуулж, бичиг баримтыг баталгаажуулах, бүртгэлийн нэгдсэн системтэй болох,
     
  • Техникийн боловсролын төгсөгч кредит дүйцүүлэн тооцуулж, бакалаврын түвшинд дэвшин суралцах эрх зүйн зохицуулалтыг хийх зэрэг саналуудыг уулзалтын үеэр танилцуулж, С.Чинзориг сайдтай санал бодлоо хуваалцсан юм.

Уулзалтын үеэр Хөдөлмөр, нийгмийн хамгааллын сайд С.Чинзориг багш, суралцагчдын сонирхсон асуултад дэлгэрэнгүй хариулт өгсөн бөгөөд "Засгийн газраас улсын эдийн засгийн өсөлт бий болгох, цалин хөлс нэмэгдүүлэх талаар тодорхой арга хэмжээ авч буй талаар мэдээллээ. Тэрбээр " Мэргэжлийн боловсролын түвшний 2.5 жил, өдрийн 1 жилийн анги, техникийн боловсролын түвшний, 1.5  болон 3 жилийн өдрийн ангийн суралцагчид ирц харгалзан сар бүр олгох  100,0 төгрөгийн  тэтгэлэг нь зөвхөн Монгол Улсын иргэнд хамаатай. Боловсролын үнэлгээний төв, Мэргэжлийн боловсролын үнэлгээний төв хамтран ажиллаж буй бөгөөд цаашид үнэлгээний систем улам боловсронгуй болно. Сургалт явуулдаг байгууллагуудын чанарыг харгалзан цэгцлэх бодлогыг барьж ажиллаж байна" гэдгийн онцолсон. 

  

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
z(103.212.119.216) 2019 оны 02 сарын 23

Sohriin gazar sohor

0  |  0
Top