Чөлөөт бөх: Э.Төгсжаргалын барилдаан шилдгээр шалгарав

Автор | Zindaa.mn
2019 оны 03 сарын 11

“Мюнхен-1972” олимпийн наадмын алт, “Монреаль-1976”-гийн мөнгө, ДАШТ-ий нэг алт, хошой мөнгө, нэг хүрэл медальт, Европын аварга, ЗХУ-ын гавьяат дасгалжуулагч Роман Дмитриевийн нэрэмжит чөлөөт бөхийн эрэгтэйчүүдийн залуучуудын олон улсын тэмцээн гуравдугаар сарын 8-10-нд ОХУ-ын Якутскт боллоо. Тус тэмцээнд манай улсын 10 тамирчин оролцож, нэг мөнгө, гурван хүрэл, нийт дөрвөн медаль хүртсэн амжилттай өндөрлүүлсэн билээ.

Энэ сарын 16-нд Якутскт болох “Дэлхийн Цом”-ын тэмцээний өмнөх туршилт гэж хэлж болох тус тэмцээнийг зохион байгуулагчид шилдгүүдээ шалгаруулжээ.

Роман Дмитриевийн нэрэмжит 7 дахь удаагийн тэмцээний шилдэг барилдаанаар финал, алтан медалийн төлөө барилдаан шалгарсангүй. Харин 61 кг-ийн жингийн хүрэл медалийн төлөөх барилдаан үзэгчдийн цөсийг хамгийн их хөөргөж, огшоосон барилдаанаар тодорсон байна.

Энэ барилдаанд манай бөх, “Хасу-Мегастарс” багийн тамирчин Эрдэнэбатын Төгсжаргал Америкийн Габриэл Роберт Таггтай барилдаж, 14-10 харьцаатай ялж, хүрэл медаль хүртсэн юм.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zocin(103.140.10.196) 2025 оны 03 сарын 13

Ystoi mundg ymaa

1  |  0
Zocin(103.140.10.196) 2025 оны 03 сарын 13

Ystoi mundg ymaa

1  |  0
nemhee(202.72.240.4) 2025 оны 03 сарын 13

mundag bn shvv ilvv hicheegeerei bayar hvrgie

2  |  0
Зочин(66.181.161.87) 2025 оны 03 сарын 13

Илүү илүү

3  |  0
Close menu