Видео: Агуу Роналду Аваргуудын лигийн “Бурхан”

2019 оны 03 сарын 13

Криштиану Роналду эгэл хүн биш гэдгээ Италид ч батласаар байна. Роналдугаа “Ювентус”-т алдсан “Реал” Мадрид дампууралд орж, Аваргуудын лигээс хасагдсан бол харин Роналду шинэ багаа ялалтад хөтөлсөөр явна.

Энэ сард “Юве” хоёр чухал тоглолт хийсэн. Эхлээд Италийн Сери А-д гол өрсөлдөгч “Наполи”-той үзэлцэж, ялсан. Хоёрдугаар байрны багаас 19 оноогоор тасарсан тул Роналду Италид ирсэн эхний жилдээ л Сери А-гийн аварга болох нь шийдэгдсэн асуудал. Харин өчигдөр илүү хүнд, хэцүү даалгавар тэднийг хүлээж байлаа. Мадридад 0:2 ялагдсан “Ювентус" талбай дээрээ 3 гоолын зөрүүтэй ялах ёстой. Аваргуудын лигийн дэвжээнд бол бараг боломжгүй зүйл мэт. Гэвч өнгөрсөн 7 хоногт “Аякс”, “МЮ” багууд гайхамшгийг бүтээж, хөлбөмбөг эцсийн мөч хүртэл явагддаг гэдгийг харуулсан билээ. “Атлетико” Туринд өөртөө тун итгэлтэй ирсэн. Нягт хамгаалаад, сөрөг довтолгоо, булан, хаалттай цохилтоос гоол хийх. Энэ бол “Атлетико”-гийн тактик.

"Ювентус" ч ийм тоглолтод бэлэн байсан бөгөөд эхний минутаас л прессинг хийсээр эхний бөмбөгийг Роналду мөргөж орууллаа. “Атлетико” довтлохгүй хэвээр л. Үүнийх нь төлөө тэднийг Роналду дахиад нэг шийтгэлээ. Агуу Роналду жил ирэх тусам залуужиж байгаа мэт гялалзсаар тоглолт дуусахаас 5 минутын өмнө пенальтигаар гоолдож, энэ үдэш хет-трик  хийлээ. Италид бусдаасаа тасархай “Ювентус” Аваргуудын лигийн төлөө л түүнийг урьсан, Роналду ч үүргээ гайхамшигтай биелүүлсэн. Харин Диего Симеоне алдаан дээрээ ажиллах үлдлээ.

“Ювентус” Итали – “Атлетико” Испани 3:0 (1:0, 2:0)

“Альянц Стэдиум”

Гоол: 1:0 – 27 Роналду, 2:0 – 49 Роналду, 3:0 – 86, пенальти Роналду.

“Ювентус” – Шченсны, Жоау Канселу, Бонуччи, Кьеллини, Спинаццола (Дибала, 67), Жан, Пьянич, Матюиди, Бернардески, Манжукич (Кин, 80), Роналду.

“Атлетико” –   Облак, Арьяс (Витоло, 77), Хименес, Годин, Хуанфран, Коке, Родри Эрнандес, Сауль, Лемар (Корреа, 57), Гризманн, Мората.

Шар хуудас: Бернардески (64), Хуанфран (73), Хименес (86), Витоло (90).

Эхний тоглолт – 0:2

“Манчестер Сити” Англи – “Шальке” Герман 7:0 (3:0, 4:0)

“Этихад Стэдиум”

Гоол: 1:0 – 35, пенальти Агуэро, 2:0 – 38 Агуэро, 3:0 – 42 Сане, 4:0 – 56 Стерлинг, 5:0 – 71 Бернарду Силва, 6:0 – 78 Фоден, 7:0 – 84 Габриэл Жезус.

“Манчестер Сити” – Эдерсон, Уокер, Данило, Лапорт (Делф, 72), Зинченко, Бернарду Силва, Гюндоган, Сильва (Фоден, 64), Стерлинг, Агуэро (Габриэл Жезус, 64), Сане.

“Шальке” –     Фэрманн, Маккенни (Мендиль, 74), Стамбули, Сане, Брума, Очипка, Эмболо (Скрибски, 69), Сердар, Бенталеб, Коноплянка, Бургшталлер (Тойхерт, 79).

Шар хуудас: Брума (33), Данило (48), Зинченко (69).

Эхний тоглолт – 3:2

Сэтгэгдэл ( 7 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Oyunaa(64.119.22.72) 2019 оны 03 сарын 15

Gaihamshigtai zaluu Yuma,

KAKA(202.131.245.125) 2019 оны 03 сарын 14

Uneheer Aguu Super Od ymoo. Mongold iim hun garch ireesei. REAL MADRID bas l SUPER shuu

ХҮРЭЛЭЭ(66.181.179.86) 2019 оны 03 сарын 13

Реал аас өөрөө явна гэсэн юм билээ. Гэхдээ л хаана ч очсон аугаа тоглогч аугаа хэвээрээ л ...

Irgen(202.170.71.39) 2019 оны 03 сарын 13

Aguu hun bol buh l zuil deer engiin murtluu aguu bj chadaad delhii niitiin humuusiin hair hundleliig huleeh yumaa. Manai mangaruud jaahan amjilt gargahaara aarhaad tenegteed humuusiin durguig hurgeh yum. Damaan mangar buhuntsuruud. Avarga ner hurtlee margaash ni hun zodool yavj bh jisheenii. Tegeheer amjiltaa batlaj chadahgui tur zuuriin malnuud bolchih yum. Ene ih humuunees jishee avch bgaasai.

mn(202.131.243.186) 2019 оны 03 сарын 13

Гайхалтай үнэхээр мундаг юм. ЮВ очоод карьер нь дуусна хөөрхий гээд яригдаж байсан. Эсрэгээрээ гайхамшигийг бүтээсээр л байна. Эзэн хааны баг буруу шийд гаргасныхаа хариуг хангалттай амсаж байх шиг л байна...

haha(202.21.106.159) 2019 оны 03 сарын 13

ямар модон орчуулга вэ? google translate

0  |  0
Батсайхан(203.91.116.185) 2019 оны 03 сарын 13

Сугар-Эрдэнэ гэж хүнийг мэдэх үү. Миний уншиж өссөн ах нарын нэг. Ийм үг сонсох ёсгүй хүн. ”Модон орчуулга” гэж юу байдгийг мэдэх үү. Чи тийм л юм бол өөрийнхөөрөө модон бишээр бичээдэх суга минь...

0  |  0
Top